Kunan tutamanta Mamallakta Tantanakuypak Comisión de Régimen Económico y Tributario, Secretaría de Gestión de Riesgos Kipa hatun kamachik, Felipe Bazán, Ecuador llaktapak yunka llaktakunapi allpa tuñirishpa llakikunata sakishkata rikurka. Kamachiy killkakunapak ñawpakpimi kay Solidaridad y Corresponsabilidad kamachiyta allita rikurka, chay willaykunaka Manabí, Esmeraldas markakunata allichinkapami kanka.
Kay kamachikpak, manarak hatun allpa kuyuy tiyakpi, sukta chiniku ñawparak 5.7 pata allpa kuyuy tiyashkami, 7.8 pata kuyuypika mana runakuna yalli wanuy llaki tiyashka, kallari allpa kuyuypi runakuna ñami ñankunapi karka.
Ñapsh ruraykuna
Kay Comité de Operaciones de Emergencia (COE) tantari, allpa chukchuy kipa 19:30 sayllata pusak llankay patakukunapi, maypimi llakirishka runakuna tiyakpi. Llakirishka kuskamanta willaymi arininkapa yanaparka. Kay hatun llakimi 10.000 awkakunata, 4.000 chapakkunata kuyuchinkapa, shinallatak 600 ninata wañuchik chayarka.
Wañushakunata tarikkuna llaki tiyashka kipalla chayarkakuna, shinami kay Mamallaktamanta tarikkuna, 90% patsakri pamparishkakunata ña tarirka. Shinallatak 600 nina wañuchikkuna chayamurka, shinallatak ista llaktamanta 12 tantarishka runakuna chayamurka.
Kunankama 16 puncha, ayriwa killamanta 946 kutin allpa chukchuy, suktaka sukta patamanmi kuyurka. Chaymi 656 wañushka taririn, 450 chinkarishka kan, 4.605 chukrishka kan, 113 kawsakta tarishka, 281 wakllirishka yachana wasi, 219.301 runakuna llakirishka, chayka 43.500 ayllukunami kan. Manabí, Esmeraldas markakunapi 25 kitikuna wakllirishka. “Kullki llanakaytami kallaripika purichina, chalwakkuna, chaywayman tikrachun, wasipi katukkuna katuy kallarichun, shina kullki puri kallarichun. Chay Manabí llaktapi kutintak allichina kimsa wata apanka Solidaridad y Corresponsabilidad kamachiywan kallarinka, chay yanapanka”, Bazán kamachik shina rimarka.
MC/pv/jc-kichwa
