Kay Educación, Cultura, Ciencia y Tecnología minkashka kay Universidad Estatal Amazónica kamachiy ishkayniki atinakuypak willayta arinirka, Puyo llaktapi sapi wasi wiñarinka, suyupak shuktak markakunapika karupi yachana wasi wiñarinka.
Mushuk kamachiypi rimashka shinaka, pichka watapimi mushuk sapi wasikuna, karupi yachana, ashalla pachapak yachana, shuktak ukukuna Antisuyupi wiñarinka. Shinami Educación Superior kamachiypi, uchilla kamachiypi, Consejo de Educación Superior wiñachishka uchilla kamachiypi riman. Kay wasikunapika kapukkunata, unipak mushuk llankaykunata wiñachinka.
Runa llaktakunapi achka tiksi yachaykuna, pakta yachaykunami rikurin, sumay yachaypika achkami urayman, hatun yachana wasikuna kimsaniki yachaymi illan, chaymanta pakta runakuna shuktak markaman yachankapa mana llukshin. .
Kay IKIAM Hatun yYachana wasi, Tena kitipi sapi wasita charin, paymi kawsay amawtapi, allpapi tarpuna yachayta taripana yachayta charin, shinapash tukuy yachanakuna munayta mana paktachinchu. Antisuyu markakuna tawkasami hatun yachaykunatami mutsun.
Mushuk sapi wasikuna, karupi yachana wasikuna, ashalla pachapak yachana, shuktak yachana ukukuna Antisuyupi Universidad Estatal Amazónica yachana wasika kullkita, yachachikkunata, yachana nipakunata charichun rikuchin, chaymi hatun yachana kamachiyta mushukyachina kan.
PV/jc-kichwa
