Mamallakta Tantanakuy Manabí, Esmeraldas llaktaman achka yanapaykunata apan, chay 16 puncha, ayriwa killapi allpa chukchuypi llakirishka llaktakunami kan. Kunanmi 25 hanikapi nipakunawan, picharinawan, mantawan, malluwan yunkaman atawapi rin. Kaykunaka llaktayukkuna yanapashkami kan, kunan puncha, kaya puncha chayachishka kanka.
Kay kipi ukupika wawakuna churarina, mikuna, kuta ñuñu rirkakuna. Ruku runakuna churarinatapash yapa apanka; chirli yaku, shuktak upyanakunatapash apanmi, kay tukuymi llaktayukkuna, awllikkuna, kamachiy killkakkuna, llankay wasita charikkuna kushka kan.
Ecuador llaktapi kawsak runakuna kushka yanapaykunaka ñami pichka runa tukuk sapan aylluman kipita rurashka taririn, shuktak akllashka nipakunapash ñami kakun, chayka manarak shuk watata charik wawakunamanmi chayanka.
Allpa chukchuywan tuñirishka kipa, Mamallakta Tantanakuy runakuna yanapachun hatun willayta rurarka. Shuk llanakayka Mamallakta Tantanakuyman yakuta, mikunata, churarinata, hillaykunata, michata llaktayukkuna apamuchun kayarka. Shuktak llankayka Ayudatón por la Reconstrucción willayami karka, chay willaywanka kutintak wasita rurankapa hillaykunata, kullkita tantarka.
LM/pv/jc-kichwa
