Kay Régimen Económico minkashka llankankapa arinishkata, yanapana yuyayta charin, mutsurikpika hunka tukuri punchakuna Solidaria de Corresponsabilidad para las Afectaciones del Terremoto kamachiyta rimankakuna.
Mamallakta Tantanakuy arinishpa llankankakuna, shinami Virgilio Hernández, kay minkashkata pushak rimarka, pachamama achkata llakichishkawan chimpapurashpa runakuna llankachun kay kamachiyka wallpashka kan nirka. Kay kamachiy Manabí markapi, Esmeraldas marka urayman sinchita llankanka, 16 puncha, ayriwa killapi llakirishkawan shuktak llankaytapash ruranka.
Kay llakirishkata allichishpa yanapankapa kimsa hunu waranka dólar kullkimi mutsurinka nirka, shinami Comisión Económica para América Latina y el Caribe (CEPAL) kamachikkuna chanirka, shinallatak Naciones Unidas hatun tantaripash rimarka, aymuray killapak ña rikushka kanka nirka.
Chay Manabí markapi kawsak, Esmeraldas markapi kawsak kapukyachikkunawan rimanakuyta charinka. Paykunapak yuyaykunata, kamachiyta killkay tukurinkakama llaktayukkunapak yuyaykunata chaskishpa katina hawa rimarka.
Mamallakta Tantanakuy kay llankaykunawan kallarishkata ashtawankarin rikuchirka, paymi Ayudatón por la Reconstrucción willayta churarka, kay kamachiymi Manabí markapi, Esmeraldas markapi kutintak llankachun, kutintak wasikunata rurachun yanapanka.
MG/pv/jc-kichwa
