Warmi kamachik, Gabriela Rivadeneira Burbano, Mamallakta Tantanakuyta pushak, aymuray killa, wanra, 3 puncha, 09h30 sayllapak rimanakuyman shamuchun kayarka, Solidaria y de Corresponsabilidad Ciudadana por las Afectaciones del Terremoto kamachiyta kallari atinakuyta charinka, tukuylla wasikuna, shukpaklla wasikuna tuñirishkata kutintak allichichunmi kay kamachiyka yanapanka, 16 puncha, ayriwa killapi llakirishka llaktakunapi tarpuykunata, pukuchikunata rurankapa yanapanka.
Kay tantaripika, Mamallakta Tantanakuy allpa chukchuypi wañushka, llakirishka runakunata tarishkamanta bomberos, ista llaktakunamanta shamushpa yanapak runakunata yupaychashpa risinka, paykunaka Ecuador llaktapi tiyak istawasikunaman kimirikmi kan.
Kay atinakuyka Comisión de Régimen Económico, willayta killkashkapi tikirinka, Ecuaddor llaktapi kawsak runakuna, llakirishka ayllukunata achkata yanapashkatami hawaman churashpa riksinka, allpa chukchuy wakllichishkata chawpillatapash allichinka.
Kay Función Legislativa hatun kamachiy paypak: 57 nikipi rima kari warmi kamachiy killkakkunaman, tukuylla kamaywasikunaman, shukpaklla kamaywasikunaman kay kamachiy yanapakta riksichirka.
Tawka kamaywasikuna, paykunapak yuyayta riksinkapa chaskirka, shina: Ministerio de la Política Económica, Servicio de Rentas Internas, Ministerio de Finanzas, Secretaría de Gestión de Riesgos, Asociación de Municipalidades, Seguros Sucre, Banco de Desarrollo, BIESS, Asociación Nacional de Corredores de Seguros, gremios empresariales de Manabí, Esmeraldas, Comité de Damnificados de Esmeraldas, Cámara de Pesca, Colegio de Arquitectos de Esmeraldas kamaywasikuna chayamurka.
Shinallatak: llaktayukkuna, tantarikuna paya yuyakunata rikuchirka, shinami Asamblea Extraordinaria de las Asociaciones de Jubilados, Pensionistas, Adultos Mayores del Seguro Social Ecuatoriano; Asociación de Ganaderos, Centro Agrícola, Cámara de Turismo, Colegio de Ingenieros tantarikuna yuyayta churarka.
PV/jc-kichwa
