Mamallakta Tantanakuyta pushak, Gabriela Rivadeneira, kay Código de Ambiente kamachiyta hatun rimanakuy patakuman kayan, kay llankaytaka Biodiversidad y Recursos Naturales minkashkami pushamun.
Kay hatun rimanakuyman sapsikuna, ayllullaktakuna, llaktakuna, runallaktakuna, yanallaktakuna, yunkallaktakuna chayanka, shamuk chaska puncha, 09h00 sayllamanta, 17h00 sayllakama kanka, chay Salón de la Libertad José Mejía Lequerica ukupi kanka.
Kay hatun rimanakuyman, Mamallakta Tantanakuyta pushak CONAIE, FENOCIN, FEINE, FEI, Pueblo Montubio del Ecuador, Confederación Intercultural Campesina del Ecuador "AMARU", Asociación de Negros del Ecuador, Confederación Nacional Afroecuatoriana, Federación de Organizaciones Montubias del Ecuador, Confederación Comarca Afroecuatoriana del Norte de Esmeraldas hatun tantarikunata kayanka.
Shinallatak shutita killkachishka sapsikuna, ayllullaktakuna, llaktakuna, runallaktakuna, yana llaktakuna, yunkallaktakunata kayanka, paykunaka sapsi hayñita charik shinatami kayanka, kay Biodiversidad y Recursos Naturales minkashkaman kimirishkakunapash chayanka.
Mamallakta Tantanakuy ñami kikin sapsi allpakunata, ukllashka llika allpakuna hawa shuk kamachiyta churarka; shinallatak tukuysami kawsay, pachamama kawsay hawa kamachiy rikuchun nirka; sapsi yachaykunata ukllachun, charirayachun, pachamama yachay hawa, ñawparuraykuna, ñawpa yachaykuna, kawsay tarpuy hawa rikuchun churarka.
PV/jc-kichwa
