Kay bomberos, rescatistas, voluntarios sarun 16 puncha, ayriwa killapi wañuchisnka, llakichishka runakunata tarishkamanta, achkata yanapashkamanta Mamallakta Tantanakuy shuk yupaychayta chayachinka. Kaytaka Mamallakta Hunta tantaripimi shuk riksita chayachinka, kulla, 5 puncha, aymuray killapimi kanka.
Kamachiy killkakkunapash Ecuador llaktaman yanapankapa allpapachapi tiyak chikan chikan ista llakatamanta shamuk runakunata yupaychanka. Kamarikunata ista wasikunawanmi chayachinka. Mamallaktapi riksishka hatun kamachiykunawanpash chayachinka.
Mamallaktamanta 50 nina wañuchikkuna chayarka, paykuna ama wañuchun ukllarka, shuktak yanapaytapash chayachirkakuna, chayka: runata tarirka, hampikunata kurka. Paykunamanta puka churarinata charin, shina: Quito, Guayaquil, Ibarra, Latacunga, Loja, Zamora, Santa Elena, Nobol, Ambato, Milagro, Cuenca, Macará, Chaguarpamba, Simón Bolívar, Lago Agrio, Piñas, Cayambe, Patate llaktakunamanta shamurka.
Shinallatak 40 ista llaktakunamanta tawka yanapaykunata chayachirka, chayka: rescatistas, bomberos, médicos, especialistas yachakkunami karka, paykunaka: sumak ruraykunawan, hillaykunawan, hampikuwan, tarik allkukunawan yanaparka. Shuk Mamallaktakunamantaka llakimanta surkushka runakunata yanapashpa kacharka.
Ista llaktakunaka: Alemania, Argentina, Israel, Italia, México, Colombia, Perú, Venezuela, Países Bajos, Japón, Canadá, Chile, Eslovaquia, Guatemala, Honduras, Uruguay, Turquía, Cuba, Costa Rica, Panamá, Palestina llaktakunami chayamurka.
LM/pv/jc-kichwa
