Achkata rimanakushka kipa, chikan chikan llaktay tantarimanta 34 kamachiy killkakkuna rimashkawan, kuyurikkuna, Solidaria y de Corresponsabilidad Ciudadana por las Afectaciones del Terremoto kamachiyta kallari atinakuyta tukuchirka. Chaypimi Ecuador llaktapi kawsak tukuy runakuna yanapanata rimarkakuna, yallita charik yallitallatak yanapanapi tiksirin nirka.
Hatun kullkipash, 0.90% patsakriwan shuk kutinlla yanapana nirka. Achkata charikkuna, shuk hunuta charikkunapash yanapana nirka. Chay Impuesto a la Renta kimirishka tantarikunapash, wawakullkimanta 3% patsakriwan yanapanka, Ecuador llaktapi charishkata kipuchishkamanta, ista llaktapi charishkamanta 1.8% patsakri wawa kullkiwan yanapanka, kayka shuktak yanapak kullkikunami tukun. Allpa chukchuywan llakirishka runakunata churashka kullkita mana kunka.
Yallichinalla nikiwan IVA kullki, 14% patsakrita watakama kunka, Manabí llaktapi, Muisne kitipi, shuktak ayllullaktakunapi kawsak runakuna, chay llaktakunapi rantishpaka mana yana churashka kullkita hapinkachu. Paykuna rantishkamanta IVA kullkimanta Mamallakta tikrachinka.
Mamallakta Tantanakuymanta mañay
Kay 15 waranka kullkita BNF kullki wasimanta, CFN kullki wasimanta kullkita mañashla kashpa, mushuk kullki mañaykuna tiyakpi, mashna kullkita tikrachinata rikunka; kay Ministerio de Agricultura pakllapi llankakkuna, makirurakkuna, chalwakkuna tikrachichun shuk ñanta churanka; kullkiwan yanapay tukuchun; ayllullaktapi tiyak maki llankayta, charishkata, mitachita hapichun riman; IR churashka kullkita kipaman mana kuchun, kallari atinakuypi mushuk rikuchikuna tiyarka.
“Kamachiypak nikikunata tawkakutin allichishpa llaktakuna yanaparinka”, shinami Santo Domingo de los Tsáchilas llaktamanta, Johanna Cedeño kamachiy killkak rimarka.
LM/pv/jc-kichwa
