Manarak kamachiyta arinishpa tapuyta chaska, 6 puncha, aymuray killa, 09:00 sayllamanta, 17:00 sayllakama rimanakuyman yaykurinka, chayka José Mejía Lequerica ukupi kanka, tawka chikan chikan hatun tarikunamanta shamuk pushakkunawan rimanakuyka kanka, paykuna yuyayta, rikuyta churankapa shutita killkachirka.
Kay Código Orgánico del Ambiente kamachiypak hatun yuyaykunaka: wakaychishka allpa ukupi tiyak kikinpak allpakuna hawa, sapsi allpakunata charishka hawami kanka; pachamamata unipak charina, pachamamapi tiyakkunata imashina mawkayachina, makinchina; ñawpa pachamanta charimushka yuyaykunata, yachayta, rurayta ukllana, unipak charina, wiñachina yachayta charinka.
Mamallakta Tantanakuyta pushak, mama Gabriela Rivadeneira, willana hillayunata katishpa: CONAIE, FENOCIN, FEINE, FEI, Pueblo Montubio del Ecuador, Confederación Intercultural Campesina del Ecuador "AMARU", Asociación de Negros del Ecuador, Confederación Nacional Afroecuatoriana, Federación de Organizaciones Montubias del Ecuador, Confederación Comarca Afroecuatoriana del Norte de Esmeraldas tantarikunata kayarka, paykuna mushuk yuyaykunata churanka.
Shinallatak shutita killkachishka sapsikuna, ayllullaktakuna, llaktakuna, runallaktakuna, yanallaktakuna, llaktakuna kayashka kanka, paykunaka sapsi yayñita charishkamanta kayashka kanka, Biodiversidad y Recursos Naturales minkashkatapash kayanka.
Kipaman, Mamallaktamanta minkashkakuna shuk willayta killkanka, kipaman Mamallakta Tantanakuyta pushak, mama Gabriela Rivadeneira kamachikman chayachinka, llaktakunapi tapuy tukurishkatapash riksichinka.
Kay llankayta minkashkami Código del Ambiente kamachiyman yaykuchinkapa tapuykunapi shuklla yuyay tiyashka, takarik yuyay tiyashakata rikuchinka. Kay shuklla yuyarikunataka mushuk kamachiypak nikikunapimi churashka kanka.
JLVN/pv/jc-kcihwa
