Mamallakta Tantanakuypi Ordenamiento Territorial, Uso y Gestión de Suelo kamachiyta ishkaykutin atinakunka, kay llankayta Gobiernos Autónomos minkashka pushanka, kay kamachiyka llaktakunata nikishpa pushanatami rikuchin, wasita allita rurana, mana unkuchik kuskakunata charichun kaman. Alli, kamashka, runakunawan kimirishka pachamamata charichun yanapan.
Kay patakunata pushak, Richard Calderón, imashina llankayñanta rurashpa llankachunmi kay kamachiyka yanapan nirka, shina ama maypipash kachun wasita rurachun, alli wasita rurachun yanapan nirka. Quito llaktapi, 65% patsakri wasikuna, kamachiypi mana rikushpa mana allita rurashka kan nirka. “Kay llakikunata aparinami kan, shinami runakuna kushilla kachun yanapan nirka”.
Pampakunata katunkapa shuk kamchiyta churan. Mamakamachiymi kikinpak tukuysami munashkata charichun ñanta paskan, chay allpakuna runakunata, pachamamata yanapanka. “Shinami Kamachiy Killkakuna, kamachikkuna paykuna llankanata charinka, chayta paktachinkapa ima mutsurishkakunata, imashina saywanata rikunka”, shinami kay pankaka riman.
Shinami Consejo Técnico de Uso y Gestión del Suelo kamachikpak tukuy patakuna yaykurishka kan, paykunaka Plan Nacional de Desarrollo llankayñanta arininata charin, imashina kimirishpa llankanata rikuchin, (GAD) kamachikkuna imatalla llankanatapash rikuchin nirka.
Kay 7 puncha, aymuray killa, 2015 watapi kipukunata rikukpika. Shinami 2010 wtapi 53.7% patsakri karka, wasikuna mapa yakuwan mana alli kimirishkata rikchirka, shina llankaykunata mana paktachishka, kapak killa 2014 watapi 35,42% runakuna llakirishka rikurirka. Shinallatak, mana alli wasikuna 33,74% patsakri karka, mashna wasikuna 2012 watapi, 13,7% patsakri rikurirka, kay watallapitak 48% wasikunallami alli wasichishka rikurirka.
LM/pv/jc-kichwa
