Mamallakta Tantanakuymanta llankakkunata Rikuk kamahchik chay La Clementina hatun allpapi ñawpa llankakkunata tukuy yanapayta kurka, pushakkuna chay hatun allpapi llankaymanta, pukuchimanta llakita charishkamanta rikuchinkapa shamurkakuna. Kay tantaripi Vinicio Alvarado hatun kamachik, llankayta rikuk kamachik, José Gálvez karka, paykuna imashina kay llaki allichishkata willachun kayashka karka.
Yuyarinkichikchari, kay (SRI) Clementina hatun allpata hapirka, chay allpaka Los Ríos markapimi sakirin, Álvaro Noboa allpami karka, 2005 watamanta manu kullkita mana kushkamantami hapirka. Ña chay kamachiyta paktachishka kipa llankak 1.800 runakunaman allpaka yallirka, paykunami Corporación Financiera Nacional (CFN) kullkiyuk wasimanta 78 hunu kullkita mañashpa allpata rantirka. “Kay 100% patsakri kullkiwan allpata rantirka”, shinami Rafael Altamirano allpakamak riksichirka.
Ñawpa allpayuk samarishkamanta, llankaypi payayashkamanta, shuktak yanapaymanta kullkita kushkamanta, José Muñoz pushak, (COOPROCLEM) shutipi ñakarishpa shamun, mana llankakkunapak hayñitalla, mana rikuchinchu, 15 waranka ayllukunapak unipak kawsachun rikuchin. “Kay llakimanta llukshinakapa kamachikkuna, ayllukunawan tantarishpa llankachun mañan, shina chay kullkita kuchun kamanka. Chaymi (Álvaro Noboa ex dueño de la Clementina)” allpayukta mishanka, rimarka.
Kamachiy killkakkuna pukuchishkata, mashna mirarishkata, llankaymanta kullkita kuna kashkata, mañashka kullkita hapinamanta, kamachiywan katikushkatapash riksichichun kamachikkunata mañanka, shina taripaywan katinka, kay llakiman kimirishka kamachikkunata kayanka.
LM/pv/jc-kichwa
