Mamallakta Tantanakuypak hatun patapi pintu 400 yalli tawka tupumi paskarin wayrawan pukllan, chaywanmi kay “Tejiendo mis Derechos” hatun willay turukurin, warmikunapak hayñita ukllan, kay llankayka, mama Gabriela Rivadeneira, Mamallakta Tantanakuyta pushakpak yuyaymi karka, kay pintuta rurankapa 2.800 tantarikuna, 221 kitikuna, 24 markapi karka. Shinami “hatun llakta kanchik, paktapakta kawsayyuk, yanapak runakunata wallpashun nirka".
Kay hatun willay purikuy pachapika warmikunapak hayñimi ashtawan hatun rikurirka, ashtawankarin warmi wawakunapak, imillakunapak, ayllukunata chinkak ayllukunapak, hayñikunata ukllana, kay llakika Esmeraldas, Manabí markakunapimi karka, 16 puncha, ayriwa killa, llakikuna mirarishpa katin.
Kay Plaza Juan Montalvo pampapi, kay willay tukuri puncha mamakuna, warmi, kari wawakuna, pakta runakuna, ayllukuna, yachakukkuna, kamachiy killkakkuna, kamachikkuna shamurka, paykunaka mana warmikunapak hayñitalla hapinchu, washaman sakirishka munaykunatapash hapirka.
Kay willayka kunanmi tukurin, hayñita hapishpa katinchik, kaypika warmikunapak munaytami paktachina kanchik, shinami Gabriela Rivadeneira kamachiy killkak rimarka, kay Justicia Laboral kamachimanar rikurishka mamakuna kunaka kamayman yaykurin, paypak llankayka15.4 patsakri Mamallaktapak PIB kullki rikurin. Kipaman antawa pushakkunawan, maki rurakkunawan shinalaltak rurashun.
Kay willayta rikuchipi Rosa Elvira Muñoz, William Garzón, Virgilio Hernández, Carlos Bergmann, Johanna Cedeño, kamachikkuna, Quito llaktamanta Vicealcaldesa, Kunakkuna chayamurka.
Kay Tejiendo mis Derechos willay, sarun 8 punchata kallarirka, chayka Día Internacional de la Mujer punchami karka, Mamallaktapak waranka warmikunatami, runakunata, tantarikunata, istallaktamanta mashikunatapash pushamushka, chaypimi warmikunapak hayñita rimarkakuna.
Kay 416 tawa pintuka, sapan 15 x 6 tupu pintukuna sirarishkami kan, chaytaka tantarikunami rurarka. Mamallaktapimi awarirka, chaytaka Mamallakta Tantanakuypak hatun wasi patapimi warkurka.
MG-PV/jc-kichwa
