Kay Justicia Minkashkapak 244 tantaripi, chay Consejo de la Judicatura, Gustavo Jalkh, Kishpiychik llankana uku Código de Procesos(COGEP) llankachun ñami allichishka kan nirka, shamuk awaki, 23 puncha, aymuray killamanta rimashpalla wanayta churana kallarinka, ñawinchiyta ruarashpa llakikunata kishpiychina kanka, chinami tukuykuna riksishka achiklla kanka.
Kay kamachiyta paktachinaka Manabí markapi sukta killa kipami kallarinka, kay kipayayka kishpiychikkunapak wasikuna tuñirishkamanta shina kipayan, shinapash paktakayta pushayka allitami llankakun.
Kay 938 kishpiychik ukukunami allichishka, hillaykunawan kan, shinallatak 1.225 kishpiychik, mana wanachik kan, tawkasami llankaykunata charishpa COGEP kamachiyta paktachinka, mushuk rimashpalla wanayta churanatami paktachinka, chaypika kishpiychikmi tiksi kan, paymi paktakayta rikunata charin, kamayka mana may mutsurik kanchu.
Kay Pichincha markapi, ashtawankarin Quito llaktapi, runakunapak llakita chaskichun kishpiychikkunata mirachinami mutsurirka, kay mutsurika 15 watamantami shamun. Achka allichishka ukukunatami charinchik, rimashpalla ñawinchika tukuykunapak ñawpakpimi kanka, kishpiychik mana anchurinachu kan.
Kay Justicia minkashkata pushak, Mauro Andino, kipaman kay Código de Procesos kamachiyta, Manabí llaktapi paktachinaka, Solidaridad kamachiypi churashkalla nikita paktachishpami kan, kaytaka allpa tuñiri hatun llaki tiyashkamantami Consejo de la Judicatura kamachikkunami mañarka.
Sukta killakama Consejo de la Judicatura kamachikkuna wasikunata, ukukunata allishpa charina kan. Kay COGEP kamachiy Mamallakta mushukyachin, paya, sinchi, mana achiklla killkashpalla wanachinata washaman sakikrinchik, kunanka rimashpalla wanachinaman yallinchik, anchallakita, Mamakmachiy llakita, akllay llakita mana rimashpalla kanka.
MG/pv/jc-kichwa
