Chay Calacalí, Pomasqui o San Antonio de Pichincha llaktakunapi riksinakuna pakashka tiyan, ashalla riksishka kan. Quito llaktamanta kuchupilla kan, riksikkunapak yanapaywan kay llaktakuna wiñarinka, chaymantami Mamallakta Tantanakuypak Desarrollo Económico minkashkakuna chay llaktaknapak yuyayta hapirka, chaywan Turismo Kamachiyta allita killkanka, chikan chikan kamachiy kashka shuklla tukunka.
Kaynami minkashka kamachiy killkakuna, San Antonio de Pichincha llaktaman rirka, kay rimaykunataka llaktapimi rimana kan nirka. Kay Marcela Costales kayashka karka, payka Pichincha markapak Kipapushakmi kan, paymi Empresa Pública Mitad del Mundo llankayta pushakun; riksinakunata charik shulkakunapak pushakkunapash chaypimi karka, hatun kamachikkuna, kay Cámara de Turismo de Pichincha kachashkakuna, Mamallaktapi tiyak Riksina Tantari, Pichincha markapak Riksina Tantari chaypi karka.
Kay minkashkapi imashina kay riksina kuskakuna kashkata riksichirka; ashtawanpash shuklla kamachiy tiyachun nirka, riksina kuskakunata allichichun churashka kamachiykunata allichichun nirka. “Riksina kuskakunamanta yaykurik kullkipimi ashtawan kimirin. Chaymantami Turismo kamachiypi yaykuchina mutsurin”, shinami Soledad Buendía rimarka, payka Desarrollo Económico minkashkata kipapushakmi kan.
Chay Ciudad Mitad del Mundo llaktamanka watapi 700 waranka riksikkunami chayan, kay muyuntin tiyak shulkakunapi riksina kuskakunata wiñachinka, shina Calacalí, Pomasqui, San Antonio de Pichincha sulkakunapi churana. Chaypimi mikunakunata, tukuykunata, takikunata, wiñaykawsayta rikuchina kan, sapsi riksinakunata tiyachina.
Shamuk hunkapimi kay rimaykunata hapinka, chaywan mushusdhuk yuyaykunawan riksina kamchiyta killkankapa yanapanka.
MC/pv/jc-kichwa
