Tukuy markakunamanta tantarishka patsak makirurak runakuna Mamallakta Tantanakuyman chayamurka, mama Gabriela Rivadeneira Mamallakta Tantanakuyta pushakpak makipi killkakunata churarka, chaywan Makiruray mushuk kamachiy killkarinka, kaywan Desarrollo Económico minkashka llankanka, paykuna Mamallaktapi atinakuy tiyachun pushanka.
Kay Desarrollo Económico minkashka, Soledad Buendía kamachiy killkak, kay kamachiyta kikin maki rurakkunami killkarka. “Paykunami killkarka, tawka chunka watakunatami mana rikurishka karka, shutikunata mana hapishkachu karka, Mamallaktapi kullki llankaykunata rurakmi kan”.
Makirurakkunaka 400 waranka runakunami kan. Shinapash 1 hunu, 400 waranka runakunami yaykuna kan, shutita mana hapishkakunami yalli achka kanchaman sakirishka kanka. Chay hawa kamchuy killkak Buendía “kamachiyka achikllami sakinka, yanapankami, sinchiyachinkami”, nirka.
Shamuk hunkapimi Mamallakta Tantanakuypak Desarrollo Económico minkashka llankana katikillakunata ruranka, kamachiyka ña rikushka punchakama killkarishka kanka “Kay kamachiyka 2016 watapak katikillapimi kan. Makirurakkuna ashalla pachapi ña kamachiyta charichun yuyaymi kan, ñallami paykunapak llankaypi yanapanka. Punkarapak chani urayashpami achkata llakichirka, kunanmi Mamallaktapi makiruray, rikisina kamachiy tiyarinka”, shinami Soledad Buendía rimarka.
MC-JS/pv/jc-kcihwa
