Kunan, manarak Código Orgánico de la Economía Social de los Conocimientos, Creatividad e Innovación kamachiyta arinishpa Diálogo Nacional hatun rimankuyta charirka, kay kamachiy Ingenios shutiwan riksishkami kan. Achka tantarikuna kay rimanakuypi karka. Chay 570 nikimanta, 13 nikikunami yalli rimashka karka, kay llankayta Educación, Cultura, Ciencia y Tecnología minkashka kamachiy killkakkuna pushashkami kan, kipaka kimsa nikipi ashayachirka.
Kamachiy killkak Diego Vintimilla, pachamamata, ñawpa yachaykunata yachanaka may sumakmi kan, chaytami Mamallaktapak 23 markakunapi willarkakchik nirka. “ Tukuymanta tantachishpa rimashpaka, tawka yachaykunata chaskishpa Mamallakta mana ashalla yanapayta chaskinkachu”, nirka.
Kamachiy killkakman, pachamamata mana yanka hapina, mana yanka mawkayachina kanchu, uchilla kamachiykunata achiklla charishpami hapina , mana hawata pawanachu kan nirka, shina pakalla tawkasami kawsayta shuwanachu kan, ñawpa yachaykumanta kullkipash yaykunkami. “Kishpiyrishka yaykuchun kamanami kan, amawta yachaykunaman riksishpa yaykurichun”, nirka.
Markanapi shuktak rimanakuyta, chay Consejo Consultivo kamachikkuna churanatami rimarka, chaywan amawta yachaykunaman yaykurina nirka. Shinapash, kamachiy killkak Diego Vintmilla llaktakuna, runa llaktakunami imamanta ñawpa yachayta hapisha nikta rikuna kan, punchanta tantami llankana kan, shinami runakuna chaypi kachun kamanka, kapukkuna mirarichun, sumakruray wiñarichun maymutsurikmi kan.
Shinami minkashkata pushak Raúl Abad, kamachiy killkakpak yuyayka kan, chapurishka yuyaykunata, rimaykunata Mamallaktapi allichina, llikanami ashtawan sinchi karka. “Kunanmi rimankauyta tukuchinchik, mishki rimaywanmi tukurin. Ñawpa pachamanta charimushkakunata kamachiy ukllachunmi munanchik, shina Mamallakta ñawpakman llukshichun, mushuk rurayta wiñachichun, sumak rurayta yachak runakuna kachun ”, rimashpami tukuchirka.
MC/pv/jc-kichwa
