Kay Agrobiodiversidad, Semillas y Fomento Agroecológico hawa sapsikuna, ayllullakta, llakta, runallakta, yunkallakta, yanallakta rimashkatalla mana uyanata usharinchu, Mamallaktamanta tukuykuna rimashkatami uyana kan, paykunami kay kamachiy imashina killkarichun yuyayta churana hayñita charin, shinami Soberanía Alimentaria pushak, Miguel Carvajal kamachiy killkak rimarka.
Shinallatak, Mamallaktapak tawka kuskakunapi kawsakkunawan, llankak wasikunata charikkunwan, kapukyachikkunawan, uyankapa tantarina. Shinallatak llaktayukkunata uyankapa, kipaman kay Ecuador llaktapi alli kamachiy tiyanka, kay kamachiywan alli pukuykunata, mirachinata markakuna charinka.
Kay Miguel Carvajal kamachiy killkak kay mushuk kamachiy muyukunamanta ashtawankarin riman, kay muyukunaka kikin antikunamantami kan, shinami kay papa, melloco, oca, mashua murukuna ñawpapachamanta tiyan, kaytami kay kamachiyka ashtawan mirachinata yanapan. Ñukanchikpak kawsayta, sumakrurayta, amawta yachayta mana kunkarina kanchik
Shinallatak, “muyumanta rimashpaka, tarpuytami rimakunchik, chaytami mikunchik, chaytami katunchik, alli muyukunata charinkapami ama wakllirichun kamana kan; muyukuna ama unkuchun taripaykunata ruranata rimanchik, Mamallakta may alli muyukuna tiyachun yanapanka, alli muyukunata charichun Mamallakta rikunata charin, tarpunata, mirachinata yachanka”.
Shukpaklla makipi muyukuna kachun, wiñachun, katurichun harkanami kanchik, kay muyukunata Mamallaktami tukuy llaktakunapi rikunata, ukllanata charin, chaypimi ñawpa yachaykunapak sapi kan, shinami tukuynaman willarka.
JLVN/pv/jc-kichwa
