Mamallakta Tantanakuy kay 1 puncha, raymi killata Wawapak Puncha kachun hatun willayta ruran, chaywan kari warmi wawapak, imillapak hayñita rikisinka.
Mamallakta Tantanakuyta pushak, Gabriela Rivadeneira, wawapak punchata willana hillaykunapi hatun aknaywan riksirka, allikawsay hayñi, yachay, yaykurina hayñita charinkapa paktashkata willan.
“ Kay Mamallakta Tantanakuy chikan chikan Mamallaktapak awllikkunata tantachishka, imashina tantarikunapi, llaktakunapi, kamaywasikunapi kamachiykuna mashna patakunata paktashkata rikushkanchik”, nirka.
“Ecuador llaktapi kawsak runakuna, achkata rimanakuywan usharirka, ushashkakunata mushukyachinatapash rikunata charin. Kunanpimi kikinllatak llakta ushay tiyan, kayka may allimi kan, kaywan hayñipi tiyak, kay ñanllatak kutintak hayñikunata tarina, llankaykunapi samashkta rikuchin, chaytami pankarikunchik, kunkarikuchik”, nishpa paktachirka.
Kay Grupo Parlamentario por los Derechos de niñas, niños y adolescentes, mama Marisol Peñafiel kamachiy killkak, Declaración del Día de la Niñez minkankashka, kayka Declaración de Ginebra, 1924 watapak kanka, kaytami Mamallakta kamanata charin nirka, wawakunata mana tsikninata rikuchin.
Kay Ecuador llaktapi ushashkakuna, hayñiman yaykurinataka Carlos Muñoz, kay Consejo Nacional de Igualdad Intergeneracional pushakta, kunan yachay tukuykunapak kakpi, tukuy wawakunamanta 97% patsakri wawakunami, tiksi yachayman yaykurin nirka. Kunan punchami 10 kutin yalli kallari yanachiman wawakunaka yaykurin nirka, shinaka yallik watakunapak yallimi yaykurin.
Mamallakta Tantanakuypak Juan Montalvo pamapai, chikan chikan pakta yanachina wasikunamanta chayamurka, chaypi katuna tiyarka, imshinami Ministerio del Deporte, Secretaría de Riesgos, Policía Nacional, MIES, Salud y Consejos de Igualdad kamaywasikuna wawakunata, imillakunata pushakun, shinami wawakuna allita yachanaka.
(KZ/JS)/jc-kichwa.
