Takikunawan, tushuykunawan ñawpamanta Apya-yalapi tiyakkunata, Américas, Caribe Rimakkunata Mamallakta Tantanakuy alli shamushkata kurka, kaya punchamanta Mamallakta Tantanakuypak wasipi hatun tantarita charinka “ Mashikunata yaykuchik runakuna kachun llaktay ushayta wallpanka”.
Mamallakta Tantanakuyta pushak, payllatak Parlamento Latinoamericano y Caribeño (Parlatino) tantarita pushak, Gabriela Rivadeneira, Ecuador llaktapi kawsak runakunapak shutipi, 16 puncha, ayriwa killapi allpa chukchuywan allpa, wasikuna tuñirishka llakipi yanapakkuna, kay llaktaman shamuk kamachiy killkakunata yupaycharka.
Mamallakta Tantanakuyta pushak chikan chikan llankaykunapi warmikuna chaypi kana may mutsurikmi kan, Mamallakta Tantanakuymanta yanapayka mashikunata yaykuchichun yanapan. Shinallatak kay hatun suyu allpapachapi kasilla kawsayta charik llaktakuna kachun.
Shinallatak Ecuador llaktamanta kamachiy killkakkuna, chay Grupo de Mujeres Parlamentarias de ParlAmericas, Gina Godoy kamachiy killkak chayamukkunata allishamuyta kurka. “Kayamanta wachapunchakama warmi llankay, llaktay hawa llankashun nirka; chulla, chulla kawsayta takana. Sapan tantarina yuyyayta churashkakaunata pushana, shina rakirishka kawsayta anchuchina, ñukanchikpak hayñita ashtawan paktachina, ñukanchik karikunapak makiwan, ishkantin llankana”, nirka.
Kay Ballet Nacional del Ecuador llankayta rikuchirka “Lazos de tierra” shutimi karka, shinallatak Ballet Ecuatoriano de Cámara marukunapi purirka “Recordando el Olvido” shutimi karka. “Kay ñukanchikpak kawsaymi kan, kawsaypak ushaymi kan, llaktapak ushaymi kan”, shinami Gabriela Rivadeneira rimarka. Yachak Roberto Navarrete kaypi karka, payka takita uyachirka “Unidad Latinoamericana” shutimi karka.
LM-JS/pv/jc-kichwa
