Chay América, Caribe hatun llaktakunamanta 30 Mamallaktakuna shamushka, chaymanta 100 kamachiy killkakunami kan, paykunaka kay “Diversificando el poder político para construir sociedades inclusivas” tantaripimi kan, shinami Mamallakta Tantanakuypi pusharikun.
Kallari aknaypi, Ecuador llaktapak Mamallakta Tantanakuyta Pushak, payllatak Parlamento Latinoamericano, Caribeño (Parlatino) tantarita pushak, Gabriela Rivadeneira, Ecuador llaktapi kawsak runakunapak shutipi, 16 puncha, ayriwa killapi allpa chukchuywan allpa, wasikuna tuñirishka llakipi yanapakkunata yupaycharka.
Suyupak kamachiy killkakkuna, apyayalapak kamachiy killkakkunata shuklla llakitami charin: wakchayaymanta, paktakaymanta, kari warmi takay, llakta ushaymanta ñakarinami kan, shuklla charinata punayta takana yuyayta charin.
“Mamallata Tantanakuymanta llakta ushayman kayanata munani, llakta runakunapak munayta harkankapa mana kaypichu kanchik, sinchiyachinkapami kaypi kanchik”, shina rimashka kipa, suyupi imashina kawsakushkata riksichirka, ashtawankarin Brasil, Venezuela llaktapi kawsakushkata rimarka.
Kay Ecuador, kay Consejos de Igualdad wiñarishka, kari warmikunapak llaktay tukuy llankaykunapi kanka; wasipi llankak warmikuna riksina, kawsaykamay wasiman runakuna yaykurina, llankaymanta payayashpa chayman yaykurinka, warmikuna chichu kakpi, ñuñuchikukpi llankaymanta mana surkuna.
Kay allpa Kamachiymanta rimarka, kay kamachiy warmikunata shutichishka allpata charichun yaykuchin, Código Integral Penal (COIP) kamachiyka ayllupi waktaykuna tiyashkata, warmi kashkamanta wañuchikpi wanachin, kay Parto Humanizado kamachiy, wachakukpi llakichishkata wanachin.
Allpapachapi kamachiywan llankay achkata paktashka kakpipash, tukuy llaktayta paktachina, mirachinaka chayrak sirinmi, warmikunata chanzashpa manchachina, tsiknina chayrak sirinmi chayta wanachinami kan.
Kay “Kay Acoso Político Basado en Género tantari hawa, chayka Sensibilización en los Parlamentos llankayta wallpankapamim kan”, chay Santa Lucía llaktapimi rurarirka; kay Américas y el Caribe llaktaywan katirayana, chayka “kari warmi tantarinami paykunapak rimaywan paktan” kay tantari runakunata yaykuchik llaktakuna kachunmi mashkan, paktakunchikmi nishpa tukuchirka.
JLVN-JS/pv/jc-kichwa
