Mamallakta Tantanakuyta pushak, Gabriela Rivadeneira, kay Función Legislativa kamachiypak 12 niki, 3 yupaypi hapirishpa, Mamallaktapak 391 yupay tantariman kayarka, chayka 7 puncha, 2016 watapi kanka, 9h30 sayllamanta kallarinka, chaypimi Prevención, Detección y Erradicación del Delito de Lavado de Activos y del Financiamiento de Delitos kamachiy hawa ishkayniki rimanakuyta charinka.
Kay kamachiywan Unidad de Análisis Financiero y Económico (UAFE) sinchiyachinchik, kullkita shukpak shutipi churashpa ama shuwachun takashpa harkana kachun yanapan. Kay kamaywasimi imashina shukpak shutipi churashpa kullkita shuwanata harkanata yachanka. Kay Ministerio Coordinador de la Política Económica kamaywasiman kimirishka kanka, kayta rikushpa ushak kamaywasiman kimirishka kanka.
Ashtawan, llaktayta wallpashpa arinishpa katina kan, harkankapa kamachiyta, llankayñanta arinishpa katina kan. Kullki wacharik llankaykunapi shuwashpa kullkita shukpak shutipi churashpa, pakashpa, huchata ruray ama tiyachun harkana kan; kay Dirección de la Unidad de Análisis Financiero y Económico llankayta hapina, paykunapak yuyay.
Imatalla UAFE kamaywasiman willanata charik kamaywasikunapak shutita killkashpa charina, kulllki wasikunata yalli, kullki llika wasi, kullkita kamak wasi, imashima: Ecuador llaktapi tiyak kullki wasiman kimirishka; kullki shikra,chanik wasikuna; kullkita kamakkuna, shukpak charishkata kamakkuna; kullki tantarikuna, charik tantarikuna, mana tukuylla charik tantarikuna; shuklla, kamachiywan tantarishka antawata, wampukta, antankata punchanta katukkuna; kullkita, kipikunata, irpata, chaskita, istamanta apamuk, istaman kachak kamaywasikuna, shuktakkunapash shutita riksichinatami charin.
Kay UAFE kamaywasita rikushpa llankachun, hatun kamachikmi imashina kullkiyay llankayta, kullki imashina llankakkunata katina ushayta charin, shinallatak Fiscalía kamaywasimi llaki tiyakpi taripanata llankayta charin.
PV/jc-kichwa
