Kay Biodiversidad minkashka, Código del Ambiente kamachiyta alli killkankapa mushuk yuyaykunata chaskinami kan. Kunanpi, Pachama hatun kamachik, Daniel Ortega, Mamallakta shuk alli kamachiyta mutsun nishpami, pachamamapak, runapak hayñita ukllak kamachiy tiyana kan nirka, shinami pachamamata wakaychina, ashtawankarin pachamamapak paktakay tiyachun mashkan.
Kay kamachiy zirmasapita, kapukyachikta mushukyachinaman pushan nirka, shinallatak wakchayayta takankapa, charishkakunata alli rakinkapa kanka; kamaywasita sinchiyachinkapa, pachamamapak chikan chikan kamachikkunapak patata alli pushachinkapa kan, uksi pachamama paypak hayñita charichun kamachiykunata kamana.
Kay Código del Ambiente kamachiyta atinakuyka Ecuador llaktapak maymutsurikmi kan, llaktapak wiñaykawsay mushukyarikuk pachapi, chirikunuk rantinchirikuy pachapimi yallita mutsurin, chaypimi pachamama hatun shayak kan, shinami runakuna rikuchik, pachamamawan kimirinchik, shinami Mamallaktapak killkakamayuk rimarka.
May sumak pachamama, tawkasami kawsayta, tarpuy llika mushukyay, mikuna sapikuna allichirina, kapukyachikkunami Código Ambiental kamachiypak nipakuna kan, kaykunaka Mamakamachiy rimshka ukupimi kan, shinami awllikka rimarka.
Ashtawankarin, mushuk kamachiypika pachamamata llakichikpi paykuna huchata aparinatami rimanka; mapata shitashkakunata, puchunata maypi sakinatami shuk kuskata mashkana kan; pukuchina, mikuna kallari yuyaykunata ishakantinmanta unipak rikuna kachun. Chaypak tupukunata, ruraykunata, chawpinata, pachamamapi amañarinata rikunami tukun. Imashina wanachinata sinchiyachina kan nishpa, Daniel Ortega Hatun kamachik rimarka.
JLVN/pv/jc-kichwa
