Mama, Gabriela Rivadeneira, Mamallakta Tantanakuyta pushak willana hillaykunapi rimanakuyta charirka, chaypimi Universidad Estatal de Cuenca yanachawasipak yachakukkunawan, yachachikkunawan rimanakurka, chay llaktapi kaynamanta llankay ukupi rimarka.
Markapak Cuenca llaktapi tiyak Mamallakta Tantanakuypak wasipimi willana hillaykunawan, kunan pachapi yalli maymutsurik kamachiyka, Solidaridad y Corresponsabilidad Ciudadana kamachiymi kan, IVA yapa kullkita 12 % patsakrimanta, 14% patsakriman wichiyashkamantami shina hatun tukun.
Kay hawaka, 90% pataskri mikuna kapukkuna rantinkapa mana yapa kullki wichiyankachu, chuktak mana mikuna kapukkuna10% patsakri kullki wichiyanka.
Kay Universidad Estatal de Cuenca wasipi hatun yachay
Chay Universidad Estatal de Cuenca yachana wasipi, mama Rivadeneira Pushak chay llatapak kamachikkuna chaskishka karka, chayka Hugo Ordóñez Espinosa wasipi rimankuyka karka: “Proceso Político y Desarrollo Constitucional en el Ecuador 2007 – 2016” shutiwanmi karka, kay Mamallaktapi mushukyaykuna tiyashkatami riksichirka.
Pay rimakushpa, 9 watapi, Kamachiy Killkakkuna 190 kamachiyta arinirka nishpa riksichirka, kay kamachiykuna Mamakamachiypi tiyak nikikunata llaktaman “chayachun”, shinami llaktayukkunapak hayñita hapin nirka. Kay kamachiykunamanta 45% patsakrimi Mamallakta wiñariyta purichin, sinchiyachin.
Mamallakta Tantanakuyta pushak, Mamallakta Tantanakuyka runakunawan makita kushpami kamachiywan llankan, paykunatami kamachiy alli killkarichun tapuykunata tikrachin, tukuy runakunata tapun, minkashka tantarikunapi rimanakuyta charin. Tukuchinkapa llaktayukkuna chaypi kachunmi sinchiyachin, shina kaykaman paktashka hayñikunata sinchiyachinka, ushashka hayñikunata paktachichinka.
KZ/JS/jc- kichwa
