Runa tantarikunamanta, tarpukkuna, muyukunata kapuchikkuna, hatun yachanwasipi yachakukkuna, Ministerio de Agricultura, Ganadería, Acuacultura y Pesca (Magap) kamachikkuna; Instituto de investigaciones Agropecuarias (Iniap), (FAO) ista tantarimanta, Foro de Agrobiodiversidad y Semillas hatun yachaypi karka, kay yachayka Mamallakta Tantanakuypi pusharirka, kay Agrobiodiversidad, Semillas y Fomento Agroecológico kamachiyta manarak arinishpami rimarkakuna.
Kamachiy killakak Miguel Carvajal, Soberanía Alimentaria minkashkata pushak, kay Kamachiyka maymutsurikmi kan nirka. “Mamallakta taripachun mañanatami charin; awki mikunata charinkapa alli tupukunata churanami kan”, shinami nirka.
Kay (FAO) ista tantari kay llankaykunata pushankapa tiksimi kan. Shinami Pedro Pablo Peña, Ecuador llaktamanta kachashka rimarka. Kay hatun yachayka rimanakuymanmi pushan, Mamallaktapi kapukyachikta mirachichunmi yanapan, mintalay, muyukunata mawkayachi. “Muyukunaman yaykunata, may alli muyukunata charinata kamachun”, nishpa rimarka.
Kay Ecuador llaktapak paktana
Kamachiy killkak, Mauricio Proaño, mushuk kamachiyta pushakuk, uni watapak mikunata ayllukunapi churanimi kan, chirikunukmi Mamallaktapi kapukkuna ama alli tiyachun llakichikun nirka. “Mamallakapi taripay tiyachuny kullkiwan yanapana allimi kan nirka, kay kamachiymi chaypak yanapan. Mamallakta Tantankauypika ña mana patakumanta kamachiyta ruranchikchu, llaktakunamanmi llukshinchik, yanapak kamachiy kachun runakunapak mushuk yuyaykunata hapinchik”, nirka. Kay Recursos Hídricos, Allpa Kamachyta rimashpami shina riksichirka, kunan Muyu Kamachiytapash manarak arinishpa shinallatak rurashun nirka.
MC/pv/jc-kichwa
