Kay Barack Obama EEUU Mamamallakta pushakta mushuk kayayta rurarka, chaytaka Estatus de Protección Temporal (TPS) paktachichun kayarka, chy mañaytaka Ecuador llaktamanta chay llaktapi purik runakunata yanapanata yuyashpa 20 puncha, raymi killa, 2016 watapi, 10h00 saylla, Washington kitipi rimarka.
Ecuador llaktamanta purik runakunata Capitolio wasiman chayayka, tantarishkakuna chay TPS mañayta sinchiyachinkapami karka, shinallatak 7,8 pata myuyta allpa chukchuy runakunata llakichishka kipa shuk tantari wiñarirka, kayka Ecuador llaktapi, 16 puncha, ayriwa killa kipa karka.
Shinallatak, Ecuador llaktamanta ista kamachik, Estados Unidos llaktapi llankak, payka Francisco Borja shutimi kan, purik runakunapak llakikunata kay llaktapak hatun kamachikkunawan tantarishpa katina nirka, shinami Ester Cuesta, payka Viceministra de Movilidad Humana hatun kamachikmi kan, shinami Washington, Nueva York llaktakunapak kamachikkunawan tantarinka, 21 puncha, raymi killapi tantarinka.
Chay llaktaman rikkunaka Peña, Byron Silva, Aníbal Romero, José Elías Rodríguez, Magdalena Pulla kamachikkuna rirka, paykunaka Coalición de Migrantes Unidos por el TPS tantariman kimirishka karka, 14h00 sayllaka James H. Potts kamachikwan tantarirka, payka Departamento de Estado ukupimi llankan.
Tantarishka purik runakuna, paykunapak ayllu Estados Unidos llaktapi tiyak purik tantarikuna, chay Casa Blanca wsipi, Departamento de Estado wasipi, 200 waranka purik runakuna mana kikin pankata charikkunata ashalla pachapak ukllayta charichun mañan, shina paykuman yanapachun riman, llankayta charichun mañan, Ecuador llakta allpa tuñiri hatun llaki kashkamanta shina ñakarikun.
JC-kichwa
