Ña tutamantamanta Inti Raymi aknayta Mamallakta Tantanakuypi charirkanchik. Kay raymika kawsakmi kan, sapan 21 puncha, raymi killapi aknarin. Mamallakta Tantanakuypi ishkayshimi yachanawasipak yachakukkuna, yayamamakuna, yachachikkuna Intiraymi shutipi tantarirkakuna, kay wasika llaktapak llakta ushay wasimi kan, maypimi kawsaypurapak rikurikmi tiyan.
“Yallik watakunaka (Mamallakta wasi) runakuna saruna mana karkachu, yaykurinaka sinchimi karka. Chunka watakuna washaman Quito kiti ukupi runakuna purinata mana usharkanchikchu. Kunanka Mamallakta punkuta paskan, kunanka hatun kamachik (Gabriela Rivadeneira) pushakwan kanchik, kay aknayman kimirinka shamurka, payka llaktata naparka”, shinami Juan Yuquilema, payka Unidad Educativa Bilingüe Mushuk Yachay o Nuevo Saber yachana wasipi yachachikmi karka.
Manarak yachana waskuna Mamallakta Tantanakuyman chayamukpi yayamamakuna, yachachikkuna karpakunata irapi churarka, chaypimi tukuy suyukunapak mikuna muyukuta, rurukunata pampapi churarka, wakin murukunata yachanawasipak allpamanta pallashka murukunatami apamurka, chay murukunaka punasuyu yachaywan tarpushkami karka. Papa, kuchi aycha kusa, chukllu, zampu mishki, chalwa, habas, chilina, uchilla chilina, palanta runakuman kararka; yuyukunata, murukunata wikrapi rikuchirka.
Pakta runakuna, wawakuna, yachachikkuna, llaktayukkunapash takikunawan, tushuykunawan chayamurka, muyushpa nunaman yupaychayta rikuchirka. Kayka wankuri, paktachi, allpapacha muyuymi kan, shinami Luis Santilla, Unidad Educativa Bilingüe Amauta Rickchari yachachik karka. “Ñukanchikman pachaka mana wachuchu kan, muyuymi kan, allimanta llukiman muyurin. Pawkar killapimi wataka kallarin”, shinami María Amagua rimarka, shuktak mama rimarka. Chaymanta runakunaka chusku raymi ruranchik: Pawkar, 21 puncha, pawkar killa; Intiraymi 21 puncha, raymi killa; Kulla, 21puncha, kuski killa; Kapak, 21 puncha, killapi kan.
LM/pv/jc-kichwa
