Kay 60 waranka yalli runakunami Ecuador llaktapi pakakukushka kawsan, 95% patsakri runakunami Colombia llaktamanta kan , allpapachapi rikukpika 65 hunu runakunami pakakukushka kawsan, paykunami kaya runapak llakita apan, kunan tutamantami Ecuador llaktapak Mamallakta Tantanakuypi kay hawa hatun yachay tiyarka, kayka Foro por el Día Mundial del Refugiado shutimi karka, chaymanka Movilidad Humana Kipahatun kamachik karka, Alto Comisionado de las Naciones Unidas para los Refugiados (Acnur) hatun kamachikpash shamurka.
Kamachiy killkak Dora Aguirre, Relaciones Internacionales Minkashkata pushak, mama Gabriela Rivadeneira, Mamallakta Tantanakuyta pushakpak shutipi rimarka, allpapachapak tawka Mamallaktakunapi hatun llakimanta rimarka, Siria llaktapak llakita ashtawan rimarka, kay llakika pichka watata purin. “kay runakuna katikachaymanta, wañuymanta kishpiyrinkapa paypak wasita, Mamallaktata sakichun mañashkami kan. Mana llukshisha ninchu, shinapash sinchita aysashpami surkushka, shuktak llaktaman kasilla kawsankapa yuyashpa chayan”, shinami rimarka.
Tukuylla Llaktay
Sinami José Luis Jácome, Subsecretario de Asuntos Migratorios kamachik, Movilidad Humana kamaywasipak Kipapushak, kay Ecuador llaktapak tukuylla llaktayta rimarka. “Ishkay yuyaypak yanapaymi kan, kunanka paykunami maypi pakakukunata mashkan, kayaka ñukanchikpash chay llakitami apashun”, .
Kay hatun yachaypi, kay llaki allpapachapi siririchun, runakuna kasiklla kawsachun llankana chayrak sirinmi nirka. Kay llaktaman chayamukkunapak rimayta uyarkanchik, alli kawsayta mashkanchik, shinami tarirkakuna.
MC/pv/jc-kichwa
