Kay Corporación Financiera Nacional kamaywasipak pushak, María Soledad Barrera, chay Régimen Económico minkashkaman rishpa, kay Remisión de Intereses, Multas, Costas y Recargos kasmchiyta rimashpa, Mamallaktapi 2.589 mañashkata paktarka nishpa willarka, chaymanta 513 Santa Elena llaktaman kimirishka kan nirka.
Kay CFN kullki wasita pushak, 2008 watapi, shuk hatun yuyariwan Consejo Provincial de Santa Elena llaktaman kullkita mañachinata yuyarirka, kay llaktapak 121 chalwa hapikkunamanmi mañachirka, kay wakaychishka kullkiman kimirishka karka. Kay CFN kullki wasita llankak wasi kakta riksrirka, kay kamaywasi sapan yanaparikkunwan shuk killkata aspirka, chay runakuna mañashka chayachina karka, chaytaka mana paktachirka chaymanta Corporación Financiera kullkita mana mañachirka.
Wakin runakunaka 10 waranka kullkita mañarka. Shina kakpika shuk kamakta mañarka. Kay Consejo Provincial de Santa Elena kamaywasi shina chaskina, imashina kullkita mañakushka rikuna karka, chay kipa yanaparikkkuna mana llakita charishkata riksichina karka, CFN kamaywasimanta kullkita mañakkunaman kullkita makipi charichinata rikuna karka, shina rimashpa riksichirka.
Kay Remisión de Intereses, Multas y Recargos kamachiy llankankapa yaykukpi, 2.589 runakuna, tantarikuna, kullkiwan yanaparikkuna kay kamachiy rimashkata hapina karka. Kay paktachinkapa, 15 killakama mana wawakullkita hapichun yuyarirka, llaki tiyakpi 15 killa kipaman kullkita tikrachina sakirirka, chayka pachaka 5% patsakri wawakullkita kuna sakirka. Chay Santa Elena llaktaka 513 rurakkunata charirka, chayka 12 hunuman chayarka. Kay rikuna kullkika 5 hunu dólar kullki, karka nishpa riksichirka.
Kay warmi awllik, 2.859 llankakkuna shinami rakirka nishpa riksichirka: 795 kullkimanta, 2.000 dólar kullkikama; 1098 llankakkuna 2.001 kullkimanta, 5.000 dólar kullkikama; 475 llankakkuna 5.001 kullkimanta, 6.000 dólar kullkikama; 139 llankakkuna 6.001 kullkimanta, 10.000; kullkikama, 82 llankakkuna 10.000 yalli kullkikama kay tukurikmi yalli llakita charin, mañayta charin. Tukuy kullki mañakkunamanta 816 mañaytalla hapirka, shinami kamachiy kurka, nishpa rimayta tukuchirka.
JLVN/pv/jc-kichwa
