Mama Gabriela Rivadeneira, Mamallakta Tantanakuyta Pushak 395 yupay tantariman kayarka, wanra, 28 puncha, raymi killa, 10h00 puncha pusharinka, chaypi Ordenamiento Territorial, Uso y Gestión del Suelo kamachiyta Mamallakta Pushak allichishkata rikunka.
Atinakuyka Gobiernos Autónomos minkashka rimashkatami kutintak rimanakunka, chaypimi Mamallakta Tantankauyka, Mamallakta Pushak Rafael Correa Delgado allichishkata rikunka, chaypimi alli kamachiy llukshichun atinakunka, kipaman arininka.
Kamachiy killkak, Richard Calderón kay llankayta minkashka, kay arinishka, kamachiypak shunku yuyaytami charin, kay kamachiywan alli, kamashka wasita hapinka, shinami kay kamachiyka paktachinka.
Mamallakta pushak, 115 nikimanta, pushak nikita allichirka, kay nikikunata kamachiy ukunka charin. Anchuchinalla, mushukyachina churashkakunata shitarka. Charishkakunata kipuna hawami kay allichishkakunaka riman, kaywan Mamallaktapak Hatun kamachiy chinkashka kullkita kutintak tikrachimunka. Kay llankaytaka Consejo Nacional de Competencias kamaywasimi rikunata charin nirka.
Kay hawa, wasi muyuntinta, wasi ruranata pushachun nishpa hatun kamachik rimana kan, charishkakuna kipukman yaykurishka kullkitapash allita pakta rikushpa llankachina nirka, ashtawan kikinllatak karupi kamachikunami ashtawankarin kullkita churashpa rikunata charin nirka, kamachiypi rimashkta katishpami churashka kullkiwan paktachinka.
Shuktak rimaykunaka chay Comité Técnico de Uso y Gestión de Suelo llankanatami rimarka, paymi Superintendencia de Ordenamiento Territorial kamaywasi, kitikuna, hatun kitikuna mana paktachikpika rikunata riman. Kay llankayta Pushak Superintendencia kamaywasimi rikushpa katinata rimanka, paymi Consejo imashina llankanata, imashina apunata ruranka, mana alli llankakpi kamachiywan shitanatami riman.
Kallari pachapi, 09h30 sayllata, kay Código del Trabajo y a la Ley de Seguridad Social kamachiyta rimanakushpa katinka.
PV/ jc-kichwa
