Kay Comisión de Educación 1 tantari Tena-Napo llaktapi Cultura kamachiyta runakunaman riksichirka, shinallatak Pichincha, Napo, Orellana, Zona 2 llakta kakipi runakunaman rikischirka, shinallatak paykunapak yuyayta hapirka.
Kamachiy killkak Herman Moya allishamuyta kurka, mushuk kamachiypak nikikunataka Noralma Zambrano kamachiy killkak rikuchirka. Kay kitikama Armando Aguilar, Teresa Benavides kamachiy killkakkuna chayarka.
Tawka tantarimanta, sapsikunamanta, kamaywasimanta shamuk runakuna rimarka, paypuramanta, Mario Pérez, Cultura de Napo wasimanta rimarka, payka makiruraykunata ukllana nirka. Ranti, Cristina Shiguango, kichwa tantarimanta rimarka, payka ñawpa kawsaykuna charimushkata kawsachina nirka, Eugenia Makaventa chikan kamachiy killkak, kawsaytarpuy wiñarikukta ukllana nirka, shina ama shuwachun nirka.
Kamachiy killkak, Noralma Zambrano, kay kamachiyka kikin kawsaytarpuypak hayñita, ñawpa yachaykunata, kawsaypura rimanakuyta ukllan, shinallatak ñawpa shimikunata chanina, runakuna kawsaypi yachayta kamana nirka.
LM/pv-jc, kichwa
