Kay kulka puncha, 09:30 sayllata, mama Gabriela Rivadeneira Mamallakta Tantanakuyta pushak kayashka, Tukuylla kamachiyta allichina hawa rimanka, tukuy kamaywasikunapi llankakkunata kay kamachiy kamachun rikunka, paykuna kishpiyrishka tantarinata, paktapakta kanata rikunka, runakunapak hayñita ama pakichun rikunka.
Kay mañayka Alianza PAIS tantarimanta shamuk kamachiy killkak churashkami kan, payka Derechos de los Trabajadores Marllely Vásconez, Ángel Rivero, Mary Verduga, Alex Guamán, Bairon Valle, Diana Peña, Betty Carrillo, Fausto Cayambe kamachiy killkakkuna churashkami kan, 2015 watapi Mamakamachiyta mushukyachishkata paktachinkapa kay kamachiyta churan.
Kay kamachiytaka Derechos de los Trabajadores y la Seguridad Social churashakami kan, paykunami Educación Intercultural kamachiyta, Educación Superior kamachiyta, Empresas Públicas y Orgánica de Servicio Público (LOSEP) kamachiyta allichichun rimarka.
Mushuk kamachiypi rikuchishka kipa, LOSEP kamachiypak 58 nikita mushukyachirka “kay Ministerio de Trabajo hatun kamachikkuna ashalla pachapak llankayta kushkata, shuk llankachun kushkata allichina hawa rimarka.
Chay Fuerzas Armadas, Policía Nacional awkakuna, akllashka kamachikkuna tantarita wiñachichun, Mamallaktapak shutichik kamachikkuna tantarichun, ashalla pachapak shutichishka kamachikkuna, pushak kamachikkuna tantarichun mana sakinka.
Mamallaktapak kamachiykuna llankakkunapi satirishka kakta mana sakina, Mamakamachiy, kamachiypash sakishka ranti llankachikta mana sakina, llankakkunawan, llankachikwan llaki tiyakpi ñawipurachina, chayka Tribunal de Conciliación y Arbitraje llaki tiyakpika rikunata charin.
Tantari hayñita, kaparina hayñita Servicio Público kamachiymi rikunata charin, kamachiyta allishka rikuchishka tiyakpipash kay kamachiy rikunata charin, kipa kamachiykunapash rikunata charinmi, Código de Trabajo kamachiy, Orgánica de Educación kamachiypash rikunata charinmi.
RSA/pv-jcñkichwa
