Kay Control del Poder de Mercado hatun kamachik, Pedro Páez, chay Régimen Económico minashkaman shamushpa, Mamallaktawan, katushpa rantishpa llankakkunawan tinkirinakushapa llankachun yanapanka, chaytami chanina kan, chaymi Mamallakta hatunyanka.
Kay paktaywan ushankapa kamachiywan kamayta paktapakta, chay pachallatak kullki wachuta shayachina, shina mushuk kimirinakuyman yaykurichun, chaywan kapukyachikkuna, katukkuna, mikukkuna yanaparinka.
Shukpaklla makipi kachun harkanami kan, paktalla, uchilla kapukyachikkunata katuchun riksinami kan; sumak yachanawasikuna katuyman yaykurichun yanapanami kan (amawta taripay), shinallatak tukuylla, yanapak kullkipash yaykurichun punkuta paskana, nishpa yapa rimarka.
Pay Pedro Páez, kay Supertienda Ecuador hawa rimarka, chayka shuklla runa, kamachiywan riksishska runa tiksi tiyakpak willayta mashkanami kan, paykunallatak shunkumanta chaypi kanata munashpa llankakkunamanta yachayta surkuna kan, shinami Mamallaktamanta kapukyachikkuna, katukkuna zirma punkuta katishpa katunata willanka.
Kapukyachikta mirachi
Tungurahua markamanta Marka Kipakamachik, Cecilia Chacón, tukuypak kullkita, yanapak kullkita sinchiyachina, chaymi kullkita kuyuchinka, awki mikuna tiyanka, mikunapash mana illanka. Chay Tungurahua markapi pukuyka chakrushkami kan, llaktayukkunaka chaypimi kanka, tukuyllawan, shukllawan, amawta yachaywan tinkirishka kanka, shinami wiwaywan, tarpuywan, riksichinawan, kapukyaywan, chimpapuraywan llankana kan.
Kay rimaytaka minkashkapak tantaripimi willarka, kaypimi Tungurahua markapi imashina llankakushkata willarka. Karupi kamachikkuna llankanaka mana kullkita rikunkachu, llaktata, pakllata riksishpa yuyaykuna, arinikunata churanatami rikuchinka.
JLVN/pv-jc-kichwa
