Kay Biodiversidad Código de Ambiente kamachiy tapuypi mushuk yuyay churashkata rikun, tapuytaka Mamallaktapak 21 markakunapimi rurashka kan, mushuk yuyaykunawan ishkayniki atinakuypak allichirinka.
Kay minkashkata pushak, Carlos Viteri Gualinga, kamachiyta manarak arinishpa tapuypika 3.825 runakunami marka tantanakuyman chayrka, ashtawanakarin sapsimanta, ayllullaktamanta, llaktamanta, yanallaktamanta, yunkallaktamanta shamurka.
Ka tapuypika tantarikunamanta yapa 8 amawta runakuna, 24 hatun kamachikkunamanta, sapsikuna, ayllullakta, runallaktakuna tuykuy tantarishpa 81 wankurishka karka, markaunamanta 23 kamachikkuna, llaktayukmanta 80 llaktayukkakkuna karka, mana tarpuypi kak shuktak runakuna, paykunapash munaymanta xchamurka, paykunapash pachamama alli kawsachun mushuk yuyaykunata churarka.
Marka tantarikunapi rimashkata llikashpaka, mushuk Código de Ambiente kamachiypak yuyayta churarka: pachamamata ukllankapa, kamankapa llaktayta yachachun churana; llaktapi ruraykuna hawa: shinallatak sapsi riksina, makirurayta; Ministerio de Ambiente kamachik, Agencia de Regulación y Control Ambiental kamachikwan, ishkantin tukushpa llankachun, (MAE, MAGAP, SENESCYT) tantarishpa llankachun, wakin sapsikunata, ayllullaktakunata mana washaman sakina Agencia de Regulación y Control Ambiental wiñarichun shuklla yuyayta charichun; kikinllatak karupi kamachikkunapak ushayta sinchiyachina.
Kay Agencia de Regulación y Control Ambiental kmachikwan, Superintendencia Ambiental kamachikwan, Instituto Nacional de Biodiversidad kamachikwan; pachamamapak hayñita mana pakishpa, allita rikushpa kamachikkuna makinchinka; ayllullaktakunapi llankayta rurashpa chirikunuk rantinchirikta sapsi llankayta ruranka; sumak kawsay tuputa paktachina, maypi pachamama wakllirishkata rikuna, pachamamata mashna wallkichishkata rikushpa churashka kamachiywan mañachina.
Kay llaktakunata manarak kamchiyta arinishpa atapupuypi, kamachiy arinirichun paykunapak munay rikurirka, shinami Carlos Viteri kamchiy killkak rimarka, shina pachamamapi tiyakkkunata allita tukuchina, mana sachata, yakuta, ima tiyakkunata mana wakllichina, pachamamata kawsakta charina.
JLVN/pv/jc-kichwa
