Chay Tungurahua llaktapak willak ñankunawan rimanakuyta charishpa, Mamallakta Tantanakuyta pushak, Gabriela Rivadeneira, Mamallakta Tantanakuy punkuta paskashkata charin nirka, chaymi kapukyachikkuna, tantarishka llankaywasikuna paykunapak llankayta riksichinkapa yaykurinka, shinami Mamallaktapi kullkita wiñachinka.
Mamallakta Tantanakuypak llankaymanta rimashpa, Gabriela Rivadeneira, chay Turismo, Pesca o del Artesano kamachiykuna, Alianzas Público Privadas kamachiywan, shuktak kamachiykunawan kimirin nirka, mamakucha punku, antawa purina ñankunata allichin, chaymanta paykunapak mushuk yuyaykuna alli shamushka kan.
Mama Gabriela Rivadeneira shuktak kamachiykuna llukshina ñanpimi kan, imashinami Código Ambiental kamachiy, pachamamata ukllan, amawtay kamachiy, kay kamachiyka yachayta, amawtayta, rurayta pushanka nirka, sumakrurayta, yuyaywan llankan, kapuksapita mushukyachin nirka.
Rikuyka ña mana yanka muspaychu
Mamallakta Tantanakuyta pushak mushuk rikuyka “yanka muspaychu” chayka “llaktay harkaymi kan”. Kay kimsa watapika 4 waranka rikuchun mañaykunami tiyarka, chaytaka kamachiy killkakkuna chikan chikan tukuylla awllikkunata mañashka willaykunatami tikrachishka, shinami 88% mana llulla willaykunata chayachishka. Mana alli willayta chayachikpika, chikan chikan minkashkakunamanmi kachan, hatun awllikkunatami achikyachishpa willachun kayan, shinami riksirka.
IVA kullkipash suyupak Mamallaktapi mirarin
Mama Rivadeneiram Pushak, kay Solidaridad kamachiy hawa rimarka, chaymi 3.300 waranka hunu dólar kullkita charinkapa IVA churashka kullki ishkay iñu mirarishkata riksichirka, chay kullkiwan Manabí, Esmeraldas llaktakunapi wakllirishkata allichinkapa kan nirka.
Kay Ecuador llakta hatun llakimanta utka llukshinkapa shina rurarka. Kay shina yuyarita Colombia llaktapimi rurakun nirka, chay llaktapika IVA kullkita (16 churashka kullkimanta 19% kullkiman churakrin) nirka, shinallatak Argentina llaktapi tiksi mitachikunamanta shuk hunu runakunaman churashka, chayka achka wakchayayman tikrashka. Kay (IVA wichiyay) ashtalla pachapak kan nirka.
KZ/JS/dp/jc-kichwa
