Kay Comisión de Justicia y Estructura del Estado Minkashka, Mauro Andino Reinoso, 255 yupay tantariman kayarka, kaya 20 puncha, sitwa killa, 2016 watapi, 9:30 sayllata tantarinka, chaypi Código Orgánico Integral Penal (COIP) allichinata rimanka, aylllu ukupi makanakuyta wanachichun churanka, warmita llakichikpi, aylluta llakichiktapash wanachinka.
Kay mushuk yuyaytaka Rosana Alvarado, Mariangel Muñoz, Liliana Guzmán, Diego Vintimilla kamachiy killkakkuna churarka, paykunaka Azuay markamantami kan, Consejo de Administración Legislativa (CAL) tantarimi ña chanita kurka.
Yachachikkuna rimashka
Mushuk kamchiyta mirachinkapa, wawakunapak llaki hawa yachakkunapak rimayta uyanka, paykunaka Graciela Ramírez, Nathalia Quiroz shutita charin, paykunaka Pontificia Universidad Católica del Ecuador yachachikkuna kan.
Chay yachachikkunaka ayllupi kawsak Mamata, wakin aylluta takakukpi wasi ukupi llakichikukpi wawakuna llarikta tupuna kakta riman, wanachinatapash rikuchin.
Wanachinata sakichun
Kay minikashka kamachiy killkakkuna, Lourdes Tibán kamachiy killkaktapash chaskinka, paymi Jorge Herrera, (CONAIE) tantarita pushak mañashkata, Movimiento Pachakutik mañshkatapash ashtawan achikyachinka. Paykuna llaki tiyakpi wanachishka kakta chaypilla sakichunmi mañanka.
Kipaman Notarial kamachiypak, 18 niki, 22 yupay rimashkata allichinkapa atinakunka, chay llankayka Soledad Vela kamachiy killkak churashkami kan.
MG/pv/jc-kichwa
