Mamallakta Tantanakuypak (CAL) tantari Educación, Augusto Espinosa kamachikta llaktay wanachiyta rurana hawa riksirka, kaytaka Bayron Pacheco (Avanza) kamachiy killkakmi churarka, kay wanachita paktachinka tukuy pankakuna tiyashkata rikurka, Fiscalización y Control Político minkashkaman yallichirka.
Paypak mañaypi, Pacheco kamachiy killkakka, Espinosa Yachay kamachik, Mamakamachiypak (212, 227, 348) nikikunata mana paktachishka nirka, shinallatak chay Reglamento General para la Administración, Utilización y Control de los Bienes y Existencias del Sector Público uchilla kamachiypi rimashkata mana paktachishka, chaymantami 16 puncha, ayriwa killa allpachukkuypi yachana wasi wakllirishka.
Chay Espinosa yachay hatun kamachiyta wanachinaka Mamakamachiypak 131 nikita, shinallatak Función Legislativa (LOFL) hatun kamachiypak 79 nikita paktachishpami wanachinkapa mañashka.
Llaktay wanachiyta, CAL arinishka, 37 kamachiy killkakkunapak shutikunawan arinirka, willay pankakunapi rikurishkata, shuyu kuyurik willaykunata yaparka.
Kay Fiscalización minkashka riksinkapa, Mamakamchiypak 131 nikipi rimashkata paktachik imata riksinkapa pichka punchata charinka. Arinishka kakpika, Minkashka Mamallakta Tantanakuypak pushak ukuman riksichinkapa 15 punchata charin.
Kunan chishi tantaripi CAL allimi kan nirka, ashtawan, pichka kamachiyta arininkapapash yuyarirkakuna.
KZ/JS/dp/jc-kichwa
