Kay Ecuador llaktapak Mamallakta Tantanakuymanta Cultura kamachiyta Nueva York, Los Ángeles Toronto llaktapi purik runaman rikisichirka. Kay tantaripika Raúl Abad, Ximena Ponce kamachiy killkakkuna karka, paykunaka Yachay Minksashka Pushak, Kipapushak kamachiy killkakkunami kan; Ximena Peña, Circunscripción de Estados Unidos, Canadá llaktakunata rikun. Kay Ministerio de Cultura y Patrimonio kamaywasimanta Juan Francisco Segovia, Gabriel Roldós kamachikkunapash karka.
Pay Ximena Ponce Mamallaktapi kawsay llikapak, tapuy kunak hayñimanta, kawsaypuramanta, kamaywasipuramanta rimarka, shinallatak imashina kullkita apamun, makiruraymanta rimarka.
Kay Cultura kamachiyta allichinka, Estados Unidos, Canadá llaktakunapak shutipi llankak, Ximena Peña, kay Consejo Nacional de Cultura kamaywasipak llankayta hatunyachina nirka, tukuykunapak kachun churana.
Kay kamachikkuna rimashka kipa, takita wiñachikkuna, makirurakkuna maymanta kullkita apamuna hawa rimarka, shuyukunawan, makiruraykunata kullkita mashkankapa riksichina hawa rimarka, makiruraykuna maypi kipushka kakta rikisina, Ecuador llaktamanta ista llaktapak may kuskapi kawsakta riksina.
Ecuador llaktamanta chikan chikan ista wasikunapi rikuchik kay kamachiy alli rikuriktami riksichirka, kay yachaykuna Mamallaktapak saywa ukuman mana kawsak takikkuna, shuyukkuna, tulpukkuna maypi taririk rimarka.
Kay rimaykunapi, minkashkakuna Estados Unidos, Canadá makirurakkuna, takikkuna, shuyu rikuchishka yuyaykunapak, 2013 watapi killkashka yuyaykunata yaykuchichun nirka.
Kay wanra, 19 puncha, Nueva Jersey, Chicago llaktakunapi kawsak takikkuna, shuyukkuna, tullpukkunawan, 18:30 sayllamanta llankashpa katina nirka.
JC-kixhwa
