Kay Comité de Derechos Humanos de la Organización de las Naciones Unidas, paypak willaypi runapak hayñita ukllana Ecuador llaktapak Mamallakta Tantanakuy kamachiykunata mirachishkata rikuchirka. Shinami hatun paktaykuna, runakuna paktapakta kawsachun yanapan, runapak hayñikunata ukllan.
Kay willaypika, Código Orgánico Integral Penal kamachiy may alli kashkta willarka, wanachishka, supaychashka runakuna, paypak kawsayta alliyachin, waktashkakunapak ukunta tukuyta rikun nirka. Shinallatak Consejos Nacionales por la Igualdad kamachiywan, yapa pakta kana hayñita tankan, ñawpachin, ukllan, runakunata mana tsiknin. Shinallatak runakunata, sapsikunata, ayllullaktakunata, llaktakunata, runallaktakunata, tantarishkakunata mana tsikninchu nirka.
Tisikupak kamachiymi allpapachapi rikurishka kan, willaypi riksichishka kan, chay runakunata yaykuchishpa mushuk sami kawsayta pushan, tisiku runakunapak hayñitapash rikisin, paykuna llankayman yaykushpa kullkita mirachin, kawsaytarpuyta, llaktaytapash mirachin.
Mamallaktapak awllikunapi warmikunaka tukuy riksishkami kan. Mamallakta Tantanakuypak warmikuna 43,07% patsakrimi rikurin. Hatun pushak, ishkay kipapushakpash warmikunami kan.
Kay Comité, Ecuador llaktapak willayta allita rikurka, 27, 28 punchakuna, killapi tantarirkakuna, yallik 11 puncha, sitwa killapi, tukuriy rikuykunata arinirka.
Jc-kichwa
