Kay Ecuador llaktapi tantarishka, 4 Altiplano takikkuna, Mamallakta Tantanakuypak makimanta Dr. Vicente Rocafuerte kamarita chaskinka, chayka kulka, 21 puncha, sitwa killa, 18h00 saylla, kay José Mejía Lequérica ukupi kanka.
Kay riksita kamachiy killkak René Caza yuyarishkami kan. Kay Vicente Rocafuerte irpataka, kawsaytarpuy, pukllay, makiruray karmapi llankak runakunaman, tantarikunaman, kamaywasikunaman kunka.
Kay 4 Altiplano takikkunaka, 35 watata mana samarishpalla takimushkamanta kamarita chaskinka, takikunata wiñachihskamanta, kikin uyarikunata, killkakkunata, takikunata mirachishkamanta, anti hillaykunata rurashkamanta, Ecuador llaktapi pakta runakunapak yuyayta rikchachishkamanta kamarita chaskinka.
Mamallaktapak maki rurakkuna, kawsayta rikuchikkuna, KJARKAS, QUIYAPAYUN, ILLAPU, LOS DEL SUQUIA kayashka kanka. Shinallakta 4 DEL ALTIPLANO takikunata rikuchinka, shina llaktaman takita rikuchinka.
Mayhankunatak Los 4 del altiplano kan
Paykunapak yuyayka kawsaytarpuy chanita, charimushka takikunata mirachina, willana yuyaymi kan. Chay rikuchikunaka Ecuador llaktamanta mishupak, yanapak, runapak takikunami kan. Chaymanta kay takikunaka taripaypi, takikunata tantana, shuyu kuyurikta, rikuchikunata, takik wasikunata yanapy rikuchina. Shinallatak Mamallaktapi, ista llaktakunapi pakta runakunata llankaypi wallpana.
Kay takikkunaka 2012 watakama, chay América, Europa llaktakunapi 4.751 rikuchikunata rurashka, llaktayukmanta riksikunata, maki waktayta chaskishka. Paypak ishkaychunka lunpukunata Estados Unidos, Canadá, España, Colombia, Perú, Francia Italia, Ecuador llaktakunapi rurashka.
Kay Los 4 el Altiplano takikkunaka, Raúl Soria (primera voz y guitarra), Mario Soria (segunda voz, vientos andinos, charango, guitarra), Rafael Soria (tercera voz, contralto, bajo, guitarra y batería), Omar Proaño (tercera y cuarta voz, guitarra, bajo) shinami wallparishka kan.
Takishpa yanapaytaka David Játiva (vientos andinos, percusión), Danny Soria (charango, guitarra, coros), Mauricio Velasteguí (piano), Javier Soria , percusión menor y batería e Iván Soria, técnico de sonido wallparishka kan. Pay Mélida Soria de Ríos pushashka kan.
Jc-kichwa
