Kay Comisión de Participación Ciudadana minkashkata pushak, Johanna Cedeño, Función Legislativa Hatun kamachiy mushukyayta rimashpa, wakin mushukyaykuna willay mañayta kipunkapa yanapan nishpa riman, chaywan mañaykunata katina nin, kamay ukupimi kayka kipurinka.
Kamachiy killkakkuna Mañashka willayta chayachinka 10 punchaman urayan, kay rurayka Transparencia y Acceso a la Información Pública kamachiywan kimirin.
Kay willayka upallata chinkarik, shutita mana kipuk, killapi 40% patsakrita mana llankak kamachiy killkakkunata asha asha wanachina yuyaytami charin. Kallari kakpika, llankashka kullkimanta 60% ashtawan shinallatak 6 killata mana llankashpa katikpika paypak llankayta 30 sakichina, kimsa kutinkama shinallatak katikpika anchata wanachinka.
Imanta surkushpa kachana
Minkashkata pushak paypak llankayta mana paktachishkamanta, llukshichishpa kachana huchata charin, minkashkaman tukuykuna yuyarishpami surkunata ushan; shinallatak paypak llankayamanta yankamanta mana willashpa, yanka llukshikpi, shinallatak ashtwan katikpi llankaymanta surkushka kanka.
Imamanta
Kay Participación minkashka Función Legislativa kamachiyta mushukyachinkapa 11 mushuk yuyaykunata chaskirka; Silvia Salgado antimanta kamachiy killkak churarka, 16 puncha, sitwa killa, 2013 watapi karka; kipaka Mamallata Tantanakuyta pushak Gabriela Rivadeneneira churashka karka, kay yuyayka yalli hatunmi kan, kutin 9 yuyaykunaka shuktak llaktay tantarikunamanta kamachiy killkak churashka karka.
RSA/pv/jc-kichwa
