Mamallakta Tantanakuyta pushak, Gabriela Rivadeneira, kimsa killata chay Presidenta del Parlamento Latinoamericano y Caribeño, Parlatino tantaripi llankashkata rikuchirka, chaytaka Mesa y Junta Directivas kamachikkunaman riksichirka.
Kay Parlatino tantarimanta kimsa llankayta kallaripi churarka, chayka: Coyuntura Económica, Género, Cambio Climático llankaykunami karka, kay llankayta kallarishka punchamantami suyupak Rimanakuymi sinchiyarka, shinami sapan kimirishka Mamallaktapak ukupi kamachiywan llankay sinchiyarka.
“Kay mushuk pachaman tikrachinaka ñukanchikpak llankaymi kan, wakchayayta mishankapa, kari warmi pakta kullki llakta ushayta sinchiyachinkapa, kamachiykunata, uchilla kamachiykunata shuk hillay tukuypak kachun llankanchik”, shinami Rivadeneira rimarka.
Kay Ecuador llaktamanta Mamallakta Tantanakuyta pushak Foro Parlamentario Balances y Perspectivas de la Actual Situación Económica y Social de América Latina y el Caribe yachayta rikuchirka, kay tantarika sarun 15 puncha, raymi killapi karka, Parlatino wasipi pusharirka, kay rimanakuypi killkashkakunaka pankapi rikuchishkami kan, kaytami Gabriela Rivadeneira pushak, chay Suyupak Junta Directiva kamachikman rikuchinka.
Mamallakta Tantanakuyta pushak chay Encuentro de Mujeres Parlamentarias de Parlaméricas tantarimanta rimarka, chayka Ecuador llaktapak Mamallakta Tantanakuypak wasipi pusharirka, raymi killapi karka, kayman suyupak, 30 Mamallaktamanta, 100 kari warmi Rimakkuna shamurka, kay Marco para la Promoción del Liderazgo de las Mujeres Indígenas kamachikta arinirka, Ecuador llaktapak wasipi llankana yachayta ukllarka.
Mama Rivadeneira, kay Encuentro de Cambio Climático de Parlatino y Parlaméricas tantari pusharishkata rimarka, chayka 2015 watapi 3, 5 punchakuna, karwa killa, Parlatino pusharirka, COP21 kamachiypi arinishkata rikuna karka, París llaktapi pusharirka.
Yapa, Gabriela Rivadeneira Parlatino tantaripi tukuy rimayta charikkunata mañarka, Conferencia Hábitat III yachaypi kachun shamuchun nirka, Ecuador llaktapi, wayru killapi kanka, kaytaka shuk wankuritami killkarinka, kay tantaritaka Ecuador llaktapak Mamallakta Tantanakuymi pushanka.
jc-kichwa
