Kay Biodiversidad kamachiyta kipapushak, Óscar Ledesma kamachiy killkak, paymi shamuk hunkapi Código de Ambiente kamachiy ishkayniki atinakuypak yaykunka nirka, kuski killapi Mamallakta Tantanakuypak katikillapi ña allichishka yayrurinka.
Kamachiy killkakkuna smarikushpa pacha, kay kamachiyta killkakatinka, tikramukpika, Mamallakta Tantanakuyman kamachiyka ña ishkayniki atinakuyman yaykurikpi paykuna yuyaykunata churanka, shinami Código de Ambiente kamachiy achkata allichirininka.
Kay kamachiy allpapacha kunukyaywan, amawta yachaykunawan kimirikun nirka, kaymanta 20 watapi, 30 watapimi hatun usiyay llakikuna rikurinka, chaypi runakuna wakashun, achkata llakirishun, ñukanchik Mamallakta chirikunuk shuktakyay hawa ista llaktakunawan rimanakuypi, kimirinakuypi kachun munanchik.
Mamakucha manyapi tiyak pampakuna, chaytaka runakuna kucha pampa nishpami riksin. Kay kuskakunawan alli llankankapa llankayñanta ruranami kanchik, shina alli llankaykunata chay pampakunapi rurana alli kachun nirka.“pampakunapak chimpapura pachamama llika tiyan ñawpa kamachiykunapika mana tiyanchu”.
Kay pampakunapi kawsak runakunaka kullki yanpaytami charina kan, kamachiywan shutichishka allpakunamantaka churashka kullkita hapinami kan, imashinami kikinllatak karupi kamachikkuna alli pachamamata charina kan.
Mamallakta Tantanakuypak ishkayniki kipapusha, Marcela Aguiñaga, Mamallaktapak hatun kamachikkunami, kikinllatak karupi kamachikkunaman kullki yanapayta chayachina kan, chaywan pachamamata unipak charinka alli llankayta churarka, kutintak Pilar Almeida kamachiy killkak, anti suyupi kawsak runakuna Pachamamata unipak kamashpa tukuykunaman rikuchishka nirka.
Tukuchinkapa, Óscar Ledesma kamachiy killkak, wanachik kamachiychishkakunaka kamay karmawanmi sakirina kan nirka.
JLVN/pv/jc-kichwa
