Mamallakta Tantanakuyta pushak, Gabriela Rivadeneira, Cuba llaktapi llankaywan paktan shinami kamachiy killkakkunapak llankayta sinchiyachin, kay yachaykunawan sapan Mamallakta ukupi kamachiywan alli llankayta tankanka.
Mamallakta Tantanakuyta pushak, Cuba llaktapak Poder Popular de Cuba pushak, Juan Esteban Lazo kamachikta chaskirka, Miguel Díaz-Cane Mamallaktapak kipapushakta chaskirka.
Kay punchata chaypi kashpa, Escuelas Legislativas en Ecuador llankayta sinchiyachinkapa shuk yuyarita killkana yacharin, Mamallakta Tantanakuypak llankayta sinchiyachinkapa ishkantin Mamallaktapak ratinpak, Ecuador llaktapak runakuna yachachun yuyarinka.
Kay Ecuador llaktapi Cultura kamachiy hawa, manarak Mamallakta Tantanakuypi rimashpa, Roberto Fernández Retamar kamachikwan rimanka, kay Casa de las Américas yachayta riksichinka, sinchi alli kawsayta hapishpa América Latina llaktakunapi, allpapachapi alli kawsaykunata charishka.
Mama Rivadeneira, Federación de Mujeres Cubanas tantariwan rimanakuyta charinka, chay warmikunapak tantarika tukuy suyupimi rikurishka kan, chaypimi kariwarmi hawa, llaktaypi warmikuna kanata rimanka. Ecuador llaktami warmikuna llaktaypi kana hawa tukuy ista llaktakunapimi riksishka kashka, warmi kakpi wañuchishkamanta mitsarinkapa, arininkapa warmikuna rimayta charishka hawa riksishka kan.
Shinallatak pakta runa tantariwan, pakta runakunawan, kawsaytarpuywan, yuyaysapa llikawan, yachakukkunawan rimarina Mamallakta Tantanakuy pushakpak llankana ukupimi kanka, 6 puncha, wacha punchakama chaypi kanka.
JC-kichwa
