Kay Notarial kamachiyta mushukyachinaka Soledad Vela Cheroni kamachiy killkakpak yuyaymi kan, payka Manabí markamantami kan, Kari warmi Tantarishkalla kawsayta, sawarishka shinallatak ishkantin yuyarishpa kamachiywan rakirina nirka.
Kay kamachiy kallari atinakuyta charichun, ñami kay Comisión de Justicia y Estructura del Estado tantariman, Secretaria General de la Asamblea ukuman kachashka kan, kipaman mama Gabriela Rivadeneira Mamallakta Tantanakuyta pushakmi kamachiy killkakkuna hunta tantarishpa atinakuchun, punchata, sayllatapash rikuna kan.
Kay kamachiyka Mauro Andino, Mariangel Muñoz, Gina Godoy, Gilberto Guamangate, Nicolás Issa, Miguel Moreta, Marisol Peñafiel, Italia Jijón, Luis Fernando Torres, Christian Viteri minkashka kamachiy killkakkuna rikushpa alli willaytami charin.
Kay Notarial kamachiyta mushukyachina 18 nikita, 22 yupaytami rikunka, chaypimi kariwarmi Tantarishkalla kawsayta, sawarishka shinallatak ishkantin yuyarishpa kamachiywan rakirinka, wawata charishpa, paykuna rikunata charishpallami ishkantin kamanata yuyarinka. Chaymi ishkantin arinishpa pankapi killkashpa rikuchinka, kipaman tantarishpalla, sawarishka kashpapash rakirinata shunkumanta arininka. Kaytaka kamachiy yachakmi yanapana kan.
Killkakamuyukmi rakirikukkuna paykunapak shutita riksinkapa chayanka, shutita, shuti aspita riksichun kayanka, chaypak ñawipurachun punchata, sayllata rikunka. Chunka punchata mana yallinkachu, chaypimi ishkantinllatak kuntintak rakirinata arininka, achiklla tukuyman uyachinka, shinami tantarishka kawsanata tukuchinka.
Killka kamayukmi tantarishpalla, sawarishka kashpapash rakirikta shuk pankata killkashpa willanka, kaytami Shutikipupi killkachinka.Shinallatak ishkantiman illushka unancha pankata charichinka, shinami Gestión de la Identidad y Datos Civiles kamachiypi rimashkata paktachinka.
MG/pv/jc-kichwa
