Iskun apuchiwan, shuk shuyaywan, kay Educación, Cultura, Ciencia y Tecnología tantarita minkashka, Raúl Abad pushakwan, Código Orgánico de la Economía Social de los Conocimientos, Creatividad e Innovación (INGENIOS) kamachiyta arinirka.
Kay Raúl Abad, Ximena Ponce, Armando Aguilar, Teresa Benavides, Gastón Gagliardo, Nixon Granda, Herman Moya, Elvia Ponce y Noralma Zambrano kamachiy killkakuna kamchiy alli kakta rimarka, Wilson Chicaiza kamachiy killkak shuyashpa sakirirka; kay Ricardo Moncayo mana kaypi karka.
Runakunaman rikisichina, llaktakunaman riksichina, Mamallakta pataku
Mamallakta Tantanakuy churashka, minkashka kamachiy killkakkuna, kamachiyta manarak arinishpa markakunapi runakunaman riksichirka, shinami 23 markaman chayarka, kipaman Mamallakta patakupi tantarirka, chaymanmi 85 tantarikuna chayarka: 66 shukniki tantari, 15 ishkayniki tantari, 4 kimsaniki tantarimanta shamurka. Shinami kay llankayta 3.251 runakuna yanaparka.
Markapi rimanakuyka: pachamamata, ñawpa yachaykunata hapinkapa, mawkayachinkapa, chawchankapa yaykurina; shinallatak taripayta, pachamamata ñawpa yachayta; ñawpa kikin charikta, ukllayta paktachina.
Kay willayta rikushpa, mushuk kamachiyka Mamakamachiywan, ista hillaykunawan kimirin: kikin ADPIC (TRIPS) kikin yachay hayñimanta, Convenio de la Organización Mundial de Propiedad Intelectual hayñimanta, Convenio de Berna de Protección de Obras Literarias y Artísticas yuyarimanta, Código de Derecho Internacional Privado Sánchez de Bustamante kamachiy, Ratificación del Protocolo de Cartagena sobre la Seguridad de Biotecnología sobre la Diversidad Biológica killkashka panka, Convenio de Pars yuyari, Convenio para la Protección de la Propiedad Industrial kishkashka panka, Tratado de la OMPI sobre Derecho de Autor yuyarikuna kanka.
Amawta taripayta wiñariy
Warmi kamachiy killkak Teresa Benavides, payka Educación minkashkaman yaykurishka, kamachiyka amawta taripaywan hatun pataman wiñariynkapa, riksinkapa, ñawpa yachaykunata sinchiyachnkapa, pakta runakunaman kuskataa paskankapa alli kamachiymi kan. Llaktakuna murukunata, nipakunata charinkapa llankachun, chaypi Mamallakta kullkiwan yanapanka. Ñawpa hampikuna, wachachik warmikunapak yachay chaninkapa allimi kan, kaykunatami Mamakamachiy ushnun.
Kay mushuk kamachiywan shukkutin yalli Mamallakta kashun, shinami América Latina llaktakunapi, allpapachapi hatun rikurichun; yachakukkuna may alli yachana wasikunaman yachankapa yaykurinka, kipaka chay yachaykuna Ecuador llaktapi churanka, shina paykunapak amawta yachaywan ushashpa katinka, shinami Manabí markamanta kamachiy killkak rimarka.
MG/pv/jc-kichwa
