Kay Ecuador llaktapak Mamallakta Tantanakuy Brasil llaktapi llaki tiyashkata takan, Dilma Rousseff Mamallakta pushakta yanka huchachishpa surkushpa wanachin. Kay llakitaka, Gabriela Rivadeneira Mamallakta Tantanakuyta pushakmi rikuchirka.
Chay Brasil llaktapi llaki tiyashka hawa, Mamallakta Tantanakuy pushak “kamachiy killkakkuna Rousseff pushakta surkunkapa ñami kallarimanta chay yiuyayta charirka, suyupak llankayta shuk kallari ñawpa llakimi rikurin”
Chay llaktapak Mamallakta Tantanakuy arinishkata mana alli rikunchik, “Mamallakta Takashkamanta mana alli rikunchik, llaktay llankankayta walinyachin, apya-yala llaktakunapi mushuk llakita churan, ñukanchikpak llakta ushayta llakichin, llaktayukkunapak awkita llakichin”.
Paypak rimaypi, mama Rivadeneira imashina kamachiy killkakkuna llankanata rikuchin, “llakta ushayta llankana, llaktayukkunapak yuyayta sumaychana, Mamallaktata kamanatami charin”.
Mamallakta Tantanakuypak kamachiy killkuna 84 apuchiwan arinirka. Mamallakta Tantanakuypak pushak “llakta ushaymi wanachiman yaykuchishka kan, kullkiyukkunapak shunkumanta yuyayka(…) llaktakuna suyupi mashiyarichun mana yanapanchu, tukuykuna wiñarinata mana munanchu”.
Tukuchinkapa, Gabriela Rivadeneira tukuykuna tantarichun mañarka, runakunapak, Mamallaktapak awkita sinchiyachichun mañarka. “ Alli yuyakkunata, llakta ushayta pushakkunata, ñukanchikman mana kimirishkakunatapash, apyayalapi alli runakunapak wipalata pushachun mañanchik, llaktakunapi kawsak runakuna ushayta, mana hawayashpalla yanaparichun mañanchik”.
JC-kichwa
