Kuski killamantami Comisión de Desarrollo Económico minkashka Desarrollo Artesanal kamachiyta Cuenca llaktapi riksichinata kallarirka, chaypimi. Chikan chikan markakunapi riksichina ukupi kallarirka chaska punchata Esmeralda llaktapi rimanka, chay llaktapak makirurak hatun tantari, uchilla tantarikunapak yuyayta pallanka. Kay Esmeraldas, pay Soledad Buendía, kay llankayta minkashka, tukuy Mamallaktapi llankak maki rurakkunata kayanka kan, shinami Soledad Buendía kamachiy killkak rimarka.
Tukuy chilla punchami maki rurakpak, shuktak runakunapak yuyaykunata Quito llaktapi chaskinka, sapan killapimi shuk chaska puncha shuktak runapak yuyayta chaskinka, minkashkakuna, kipa minkashkakuna sapan markapi chaskinka. Kamachiyta rimaykunaka yachaykunapimi rakishka kanka, chaypimi tukuyllapi llankak, shukpakllapi llankakkuna maki rurakkuna rimanka.
Kay 21 puncha, kuski killa, Quito llaktapi, tantari wallpata rimanka, ishkay puncha kipaman, kipa minkashka, shukka Imbabura markapi, kutinshukka El Oro markapi, chikan chikan llankaykunata charikwan rimanakuyta charinka.
Kallari rimanakuy
Kay 28 puncha, kuski killa, Quito llaktapi, manu kullki hawa rimanka, shinami mushuk kamachiypi rikuchishka Servicio de Rentas Internas hawa rikuchishkata pushanka, Ministerio de Industrias y Productividad kamaywasi paktachinka, maki rurak tantarikuna, hatun tantarikunaman riksichinka. Wayru killa 2 punchapi, Coca llaktapi, Ambato llaktapi pusharinka. Kay 7 puncha, minkashkakuna Guayaquil llaktapi tantarinka. Kay 11 puncha, minkashka ukupi kamachiyta allichinkapa rimanakuyta charinka, 12 puncha tukuri atinakuy kanka, apuchiwan arini, ña kallari atinakuypak allichirinka. Kay atinakuytaka 18 puncha charinka, 19 rikushkakunata allichina kanka.
Ishkayniki atinakuy
Chay Manabí llaktapi takarishka yuyaykunata allichinka, 8 puncha, sasi killapi hatun Artesano punchata ruranka, chaypimi tukuy kamachiy killkakuna kanka, chayka Quito llaktapi kanka. Kay 9 puncha, Sasi killa kay minkashkapak tukuri rimanakuy kanka, kaypimi ishkayniki atinakuypak tukuri rimanakuy kanka. Kallarishka llankay alli llukshikpika, 15 puncha, sasi killapi, Mamallakta Tantanakuypi ishkayniki atinakuyta charinka, chaywan tukurinka.
MC/pv/jc-kichwa
