Chay Chimborazo markamanta kamachiy killkak, Rosa Elvira Muñoz: tsikni harkakuna tiyakta yuyarishpa, kay yuyaypi tiyak harkakunata anchuchinkapa achkata ñakarinami sirin nirka, chaymanta Mamallakta Tantanakuymanta yanapak kamachiykunata tiyachina nirka. Kay kamachiykuna: yachaypi kana, kikinkay, kikin rimayta sumaychana, kariwarmi pakta kana, uni watakuna kimsakutin manyayachikunata charimushka. Warmi kashkamanta, runa kashkamanta, paklla warmi kashkamanta kay llakikunata charishka kan.
Tawka watakunamanta llankamushpapash, paklla warmikuna chaypi kashpa rimana kuskakunaka achka kichkimi tiyan nirka, chaymanta ñakarishpa katina urman, kunankama paktashka kamaywasi tukuchun, kikinpak kachun ñakarishpa katinami kanchik.
Runa warmikunawan paktapakta kimirishpa llankakunchik nirka, chaywan ñukanchikpak hayñikunata hapirina munanchik, shulka tantarikunatapi, kiti tantarikunapi, marka pushakkunapi warmikuna tiyachun mashkanchik nirka.
Pakllakunapika achka warmikunami tiyan, shulka tantarikunapi llakta runakuna llaktaywan chaypi kanami tiyana illan. Kaytami pakllakunapi tantarikunata wiñachishpa llankaykunata mushukyachina kanchik, shinami shuk warmi, tantarishka runakunapash sinchiyanata charin, shinami Rosa Elvira Muñoz kamachiy killkak riman, chaypak kayta yanapak kamachiykuna tiyana kan nin, kamachiywan paykunapak hayñi, kawsaypi yachaykuna, kawsaytarpuy sinchiyanka, shina chishpikayta charik, paktarakik Mamallakta kachun mashkankuna.
JLVN/pv/jc-kichwa
