Mamallakta Tantanakuyta pushak, Gabriela Rivadeneira, kay hunka llankayka Guayas markapi kallarirka, mayhan willana ñankunata katishpami willarkakuna, chay Parto Humanizado del Centro de Salud de Santa Lucía wasipimi shina rimarka.
Chay Guayaquil llaktapi kashpami kay Plataforma de Mujeres Progresistas por el País que Queremos hawa rimarka, Mamallaktapak tukuy markakunapi kawsak warmikunatami tantachirka, llaktay tantarita yalli, Mamallaktapak llankaykunapi warmikuna arinishpa chaypi kanchunmi kayan, chaypimi warmikunapak hayñikunamanta, runakuna mushukyachina, charishkakunata pakta rakinata rikuchin nirka.
“Kay 2017 watapi atinakuy, ñakarika Mamallakta Tantanakuypimi kan; Brasil llaktapi, Venezuela llaktapi llakitukushkamanta mana kunkarishunchu, mushuk llankayta rurakuk hatun kamachikkunatami urmachinkapami takaykunata, kaparikunata ruran, llakta ushaytami kamana kanchik”, shinami mama Rivadeneira rimarka. Shamuk Ñawpak warmikunapak tantarika Guayaquil llaktapi pusharichun mañakunkuna.
Chay Perla del Pacífico llaktamanta, mama Rivadeneira shinallatak kuski killa tukuripi, ñawpa Argentina Mamallakta pushak, Cristina Fernández de Kirchner warmiman kamarita kushka kanka, chaytaka Ecuador llaktamanta Mamallakta Tantanakuymi charichinka, “ Manuela Sáenz” shutimi kan.
Aylluwan wachana
Chay Santa Lucía llakta, Guayas kitipi, Mamallakta Tantanakuyta pushak kitipak shayarishpa wachana wasipak shuk ukuman chayarka, shina wachaykunata yanapak kamachiyta, mama Rivadeneira Mamallakta Tantanakuypi pusharikun nirka.
Kay aknaypi, 1.000 runakuna karka, shinami mama Rivadeneira rimarka “ chukrichishpa wachachinkapa mutsurishka hampikunata churankapami kanka, hampik wasipak, hampikpak kullki rayku mana tiyankachu. Aylluwan wachanaka kay Buen Vivir kallarimi kanka”.
Kutin, chay Organización Mundial de la Salud (OMS) chukrichihspa wachana ama 15% patsakri kachun nirka, kay Ecuador llaktapi, Red Privada de Salud hampina 80% patsakriman chayan, tukuylla llikaman 40% chayan.
Kaya, mama Rivadeneira runa tantarikunawan, llaktay tantarikunawan Los Ríos markapi llankanka.
JC-kichwa
