Mamallakta Tantanakuyta pushak, mama Gabriela Rivadeneira, markakunapi purishpa katin, kunanka Los Ríos markapi karka, chay llaktapi warmikunapak, tarpukkunapak, yachakukkunapak yuyayta chaskirka, tantarikunapak yuyaytapash hapirka.
Llankaytaka, willana hillaykunapi willashpami kallarirka, shinami “Plataforma de Mujeres Progresistas” shutipi tantarirka, sapan markakunapi llankamushkamantami kaypi rikurirka. “Chay Los Ríos markapak warmi pushakkunawan, kamachikkunawan kuchuyarishkanchik, shina markapak tiksi tantari kallarinka”, shinami mama Rivadeneira rimarka. Paypak yuyaywan kallarishka Quito llaktapi 300 warmikunata tantachirka, shuktak Mamallaktapak kuskakunapipash tanatarishpa katinka.
Paypak llankashka watakuna 50 chunka kamachiy arinishka hawa rimarka, kay kamachiykunaka hayñikunata, ukllan, kaman nirka. Kari warmi Ecuador llaktapi kawsak runakunapak kawsayta yanapashpa allichinka. “kamachiykuna mana riksichishkalla kanka, alli, kawsayta yanapak kamachiy kachun llaktakuna yuyayta chuarashkami kanka”, shinami Mamallakta Tantanakuyta pushak rimarka.
Chay Los Ríos llaktapika: llankakkunawan, yachakukkunawan, warmikunwan rimanakuyta charirka, chay Universidad Técnica de Babahoyo yanachana wasipi karka, tarpuykuna allichirichun alli kamachiy killkarichun, mushuk yuyaykunata chaskirka. Mamallakta Tantanakuyta pusha Semillas kamachiy hawa ashtawankarin rimarka, kay kamachiytami llaktakunapi tapukunchik nirka. “ Ñukachin charishka muyukunata ashtawan mirachina, sumakrurayman chayachina, alli pallaykuna kashpa, katuna wasikunapi achka chanita charinka, ista katuna wasikunapash achna alli kanka”, shinami Rivadeneira rimarka.
Mamallakta Tantanakuyta pushak, manarak kamachiy killkakkuna samarita tukuchikpi shuktak markakuna riksichishpa katinka.
JC-kcihwa
